Rêvebirên DÎSA-DER'ê bertek nîşanî girtina hevserok û perwerdekarên komeleyê dan û diyar kirin ku bi vê operasyonê careke din netahamulkirina zimanê kurdî hat nîşandan, lê belê dîsa jî ew ê xebatên xwe bidomînin.
Endama Desteya Rêveberiya Odeya Avîsazan Selma Aslan diyar kir ku binyada esil a rûxandina Sûrê îstîmlaqkirina di çarçoveya projeya îhya ya bajariyîtiyê ye û bang li UNESCO û saziyên navnetewî kir ku xwedî li mîraseya mirovatiyê ya hevpar derkevin.
Fîlmê komêdiyê "Dîktatorê Mezin" ê Charlie Chaplin êdî bi kurdî li ser dika şanoya kurdî ye. Wê şano bi navê "Tenê Ez" ji aliyê Teatra Jiyana Nû ve were pêşandan.
Dengbêjin bi dirûşmeya "Serê malê kilamek” her hefte li malekê ne, diyar dikin ku li evan bajarên ku koçî wan kirine ancax bi kilaman dikarin li gor ziman û çanda xwe bijîn.
Polîsan derhênerê Kurt Kazim Oz, li Dersîmê binçav kirin.
Yek ji dengbêjên herî ciwan dengbêj Cafer ku wek dengbêj Şakiroyê Biçûk tê nasîn diyar kir ku ji ber tesîra dengê dengbêj Şakiro fêrî dengbêjiyê bûye û got: “Mirov nikare saloxdana Şakiro bide. Ez dikarim bêjim di warê dengbêjiyê de dengbêj Şakiro Pavarottiyê kurdan e.”
Nivîskarê girtî Menaf Osman, bi romana xwe ya dawî "Lênûska Leyla" berê pênûsa xwe ber bi jiyan û têkoşîna Sema Yuceyê ve hêl dike. Bi vê romana xwe Osman careke din bi hikmê pênûsê şahidiyê li serdema xwe dike û ji hundir ber bi derve ve berxwedanê li wêjeyê bar dike.
Nivîskarên di bin banê Komeleya Lêkolînê ya Ziman, Çand û Hunerê (DÎSA-DER) de gotin "Nirxa herî sereke ya gel dike gel ziman e" û ji bo xwedîderketina li komelyê bang kirin.
Nivîskar Adil Başaran ji bo bîranîna gundê Xirarê ya navçeya Dêrikê ku di 1993’an de 9 kes hatin kuştin pirtûk nivîsand û navê “Li Xirarê Tofan Rabû" li pirtûka xwe kir. Başaran got mînakên gundê Xirarê îro jî didomin û xwestiye haya mirovan ji qewimandina li vî gundî çê bibe.
Pirtûka “Rengê Mor ê Siyaseta Kurd” Hevşaredara Şaredariya Bajarê Mezin a Amedê Gultan Kişanak ku qeyyûm tayînî şûna wê hat kirin, di roja îmzeyê de rastî eleqeyek zêde hat. Fûara Pirtûkan a Stenbolê ya ku îsal cara 37’an bi mijara “Jiyanê bi wêjeyê bihûnin” li Navenda Kongre û Fûarê ya TUYAP’ê tê lidarxistin, sibê bi dawî dibe. Fûara ku rastî eleqeyeke zêde tê ji bo têketinê pirtûkhez li hev dû hez rêz dibin. Li fûarê çalakiyên rengîn hatin lidarxistin.
Li Tirkiye ji ber ku qîmeta dowîz li hemberî tl zêde dibe, bandorê li ser buhayê kaxizan û sektorên weşanê jî dike. Ji ber buha û zema zêde sektora weşangeriyê ketin nava zorê. Weşangeran bi gotina "Ma ev zem dê heta kengî zêde bibin?" û bertekên xwe anîn ziman. Weşangeran anîn ziman ku mehê zor û zahmet li pêş wan in.
Di Mîhrîcana Şanoyê ya Mêrsînê ya Navnetewî de wê îsal gelek lîstik bên pêşandan û atolye bên vekirin. Seroka Komeleya Şanoyê ya Mêrsînê (METÎD) Derya Gunerî, anî ziman ku pir piştevaniya wan nayê kirin.
Nivîskara pirtûka "Topragin Şarkisi/Strana Axê" Rojbîn Perîşan ku berxwedana Cizirê ya serdema qedexeya kolanan vegotiye diyar kir ku hewldana bi watekirinê û ji nû ve vejîn; wêrekî û hêza berxewdanê ava dike. Weki kevneşopiya vegotina pirtûkê, ji bo hevkariyek hewldanê ye."
Pirtûka "Kurdên Xoresanê" ya Selîm Temo ji Weşanxaneya Alfa derket. Temo di pirtûkê de balê dikişîne ser serpêhatiya kurdên Xoresanê ya bi sedan salan.
Belgefîlma Nûjîn ku piştî DAIŞ'ê êrîşî Kobanê kir û jiyana 3 jinên YPJ’î digire dest li Hindîstanê xelata taybet a jûrî girt. Li Emerîkayê jî xelata belefîlma baş girt.