Gelê Wanê ku krîza aboriyê û zemên hatin kirin nirxandin, wiha gotin: “Heta ku ev şer bidome wê krîza aboriyê jî berdewam bike. Divê êdî mirov li dijî vê yekê serî rakin.”
Zemên tên kirin bandorê li fiyeta zebze û fêkiyan jî dike. Xelkê Amedê diyar kir ku nikarin li bazarê dan û standinê bikin û berê 5-10 kîlo bacan dikirîn niha kîloyek du kîlo dikarin bikirin.
Projeya GES'ê ku ji aliyê Kalyon Holdîngê ve li mêrga mezraya Dûzikê ya gundê Kadikoy a Wêranşar tê çêkirin bandorê li ser gundên derdorê ku debara xwe bi sewalkariyê dikin jî dibe. Şêniyên gundan bi lêv kirin ku heke GES li mêrga wan bê çekirin sewalkarî jî dê li gundan biqede û ew dê neçarî koçberiye bibin.
Li Mêrdînê ji sedî 25 bihayê nan hat zêdekirin.
Karkerên DEDAŞ’ê bi daxwaza ku mafên wan li wan bê vegerandin, li Amed, Mêrdîn, Riha, Êlih û Sêrtê dest ji kar berdan û çalakî li dar xistin.
Li Êlihê heqê dolmîşên nav bajêr ji sedî sed hat bihakirin.
Esnafên navçeya Cizîrê ku ji ber krîza aborî nikarin bazirganiyê bikin bertek nîşanî neçareserkirina krîzê dan û gotin: “Heta ku pirsgirêka kurd çareser nebe dê ev krîz jî çareser nebe.”
Beriya biryara faîzê ya Bankaya Navendî, euro ji 30 lîreyî bihûrî.
Bi tayînkirina qeyûman re ji bo saziyên avdanê yên ku cotkar ji bo birêvebirinê hildibijêrin, ava ku di avdanê de tê bikaranîn bûye yek ji mezintirîn lêçûnên cotkaran.
Li bakurê Kurdistanê û Tirkiyeyê baca mazot, benzîn, gaza wesayîtan û gaza xwezayî hat zêdekirin.
Karkerê înşeatê dema ku avahiyê 14 qatî yê di erdheja Mereşê de xesar dîtiye siwax dikir, ji îskeleya qata 8'an ket xwarê û jiyana xwe ji dest da.
Şaredariya Bajarê Mezin a Mêrdînê ku di bin rêveberiya qeyûm de ye û Şaredariya Şirnexê ya AKP’î ji sedî sed zem li avê kirin.
Endamên DÎSK Genel-Îş’ê ji bo heqdestê wan bê zêdkirin, dawî li cihêkariyê bê anîn û hejmara kadroyan were zêdekirin, li gelek bajaran çalakiya karberdanê li dar xist.
Cotkarên ku bi çandiniya nîsk û pêmbû debara xwe dikin gotin ku ji ber bihabûna bacan her tişt du sê qat biha bûye lê tevî bihabûnê jî qezenca wan di şûna xwe de maye ji ber vê ew nikarin bi çandiniyê debara xwe bikin.