ROJEVA 19'Ê ÇILEYA 2024'AN
- rojane
- 09:00 19/1
Baroya Şirnexê bertek nîşanî gotinên Meral Akşenerê dan û ev bang kir: “Divê agahiyên têkildarî cinayetên ‘merdane’ ji rayagiştî re bên aşkerekirin.”
Parêzerên siyasetmedar Gultan Kişanakê ku di Doza Kobanê de sûcên li hemberî muwekîla xwe yeko yeko pûç kirin, dozê wekî "Rediyeya çareserkirina meseleya kurd" pênase kirin.
Hat ragihandin ku li Kerkûkê di encama êrişa çekdarî de jinekê jiyana xwe ji dest daye.
Di danişîna doza der barê êrişa ewil a li hemberî Malbata Dedeogûllariyê de, meqama îdiayê mutalaaya xwe berpêş kir.
Li Wanê 6 ciwanên ku di 16'ê Çileyê de hatibûn binçavkirin, serbest hatin berdan.
Emîne Şenyaşar ji ber pirsgirêka xwe ya tenduristiyê ji çavê xwe emeliyat bû. Şenyaşar, da zanîn ku dema sax bû dê Nobeta Edaletê ya neçar ma navberê bidê, li ber Wezareta Dadê bidomîne.
Rêveberê EGE-TUHAYDER’ê Ramazan Yavuz û Hevserokê Avestayê Alî Yalçinkaya di danişîna ewil de hatin tehliyekirin.
Li gorî “Rapora Şopandina Grevên Birçîbûnê” ya Şaxa OHD’a Stenbolê; girtiyên ketin greva birçîbûnê rastî muameleya xerab û gefan hatin, cezayên disiplînê lê hatin birîn û pirtûk û lênûsên wan hatin desteserkirin.
Di doza Hevseroka DFG’ê û Edîtora MA’yê Dîcle Muftuoglû de şandeya dadgehê biryara domandina girtinê da.
Dozger, daxwaza berdewama girtina rojnamevan Dîcle Muftuoglû ya dîl girtî kir.
Di danişîna doza 11 rojnamegeran a li Enqereyê de li şahidê eşkere hate guhdarîkirin. Tevî pirsên biisrar ên şandeya dadgehê jî şahid got ku ew rojnamegeran nas nake.
Hate zanîn ku jinên li Miduriyeta Polîsan a Stenbolê di bin çavan de her tim rastî tacîza polîsan hatine û di bin navê ‘mulaqatê’ de wergirtina îfadeyê li wan hatiye ferzkirin.
ÎHD’ê rapora xwe ya têkildarî binpêkirinên li girtîgehên Anatoliyaya Navîn eşkere kir. Di raporê de hat gotin ku di nava 3 mehan de herî kêm hezar û 46 binpêkirin hatin kirin û herî kêm 6 girtiyan jiyana xwe ji dest dan.
Hevseroka DFG’ê û edîtora MA’yê Dîcle Muftuoglû ku girtî tê darizandin got ku ew ji ber nivîsandina rastiyan tê darizandin.