Teqawid dê li dijî şert û mercên birçîtiyê ber bi Enqereyê ve meşekî li dar bixin. Sekreterê Giştî yê Sendîkaya Tum Emeklî-Senê Îshak Kocabiyik diyar kir ku xizaniya teqawidan tercîha desthilatdariyê ye.
DÎSK, KESK, TMMOB, TDB û TTB’ê bi daxuyaniyeke hevpar bang li hemû kesî kirin ku di 1’ê Gulanê de bi coşeke mezin dakevin qadan.
Prof. Dr. Ahmet Şahînoz diyar kir ku sedema bingehîn a qeyrana aboriyê, polîtîkayên desthilatdariyê ne û wiha got: “Ji bo ku aborî bi ser xwe ve bê, ne wezîr lê divê polîtîka bê guherandin.”
Li Dersimê sewalvan Mehmet Taçyildiz, anî ziman ku ji ber krîza aborî sewalvanî êdî bûye eziyet.
Asker Kiliç ê 30 sal in li Dêrsimê karê sewalkariyê dike diyar kir ku ji ber bihabûna êm 2 çêlekên wî ku di destê wî de mane neçare bifiroşe.
Şaredariya Wêranşarê ku bi kirîna simîtan a bi 80 hezar TL'yî ya di salekê de hat rojevê, derket holê ku di 10 mehan de bi 260 hezar 544 TL'yî ji bo Miduriyeta Polisan a Navçeyê wesayît kirê kiriye.
Amediyan destnîşan kir ku ji ber qeyrana aborî êdî Remezan ne Remezana berê ye û diyar kirin ku hejmara kesên "koliyên Remezanê" belav dikin jî kêm bûne.
Masîvanên li perava Karadûvarê anîn ziman ku ji ber bihabûna mazotê û fiyetên amûrên ew bi kar tînin wekî berê nikarin biçin masiyan û masîvan kelekên xwe difiroşin.
Li Mêrdînê, di encama hilweşandina îskeleyê de 2 karker birîndar bûn.
Lijneya Serokan a DÎSK’ê ji bo 1’ê Gulanê bang kir û wiha got: “Ji ber qeyrana giran a aboriyê karker, kedkar û cotkar hîn xizantir bûne. Bi têkoşîna xwe em dikarin vê pergalê biguherînin. Banga me ji her kesî re ew e ku beşdarî çalakiyên 1’ê Gulanê bibin.”
ENAG’ê daneyên dawî yên enflasyonê par vekir û got ku ji sedî 142,63 ye. Di heman demê de TUÎK’ê jî enflasyon weke ji sedî 61,14 ragihand.
Serokê Komeleya Cotkaran Mîkaîl Erbey, destnîşan kir ku ji ber zêdebûna maliyetan êdî dê cotkar ji neçarî ji bo kar biçin ber Îş-Kûrê û têkevin dorê û got: "Mazotê pişta cotkaran şikand."
Li Wanê Mûrat Saîd Yaşar, ji ava Gola Wanê 18 cure sabûn çêdike.
Waniyan diyar kir ku beriya meha Remezanê hemû tişt li ser hev du biha bûne û gotin, ev pirsgirêk dê bi çûna îktidarê çareser bibin.
Karkerên endamên Enerjî Senê di kêliya ku li ber Midûriyeta Giştî ya Ceyranê ya Başkentê daxwazên xwe dianîn ziman, hatin binçavkirin.