Polîsî gefa “Heke ez we binçav bikim, zarokên we jêhatî jî bin nikarin karekî peyda bikin” li karkerên ku ji bo sendîkayî bûn ji kar hatin avêtin û dixwazin bi paş ve li kar bên zivirdandin xwar.
Li Hewagê bi payîzê re wextê ser mehseran dest pê kir. Sîtilên ku berê li nava gund dihatin danîn, niha ji ber krîzê û kêbûna tirî li hewşên malan tên danîn.
Abdulrahman Cemşî yê ermen ku 60 sal in li Pasûr a Amedê hesinkariyê dike, bibiryar e ku bi rêya zarokên xwe pîşeya xwe bide jiyandin.
Di "Sempozyûma Avakirina Siberoja Çandinî û Xizayê" de hat destnîşankirin aborî û çandiniya komunal a li Rojavayê ku îlham ji felsefeya Abdullah Ocalan girtiye cihê hêvî û modela herî xurt e.
Parlamenterê DEM Partiyê Sînan Çîftyurek ê di sempozyuma çandiniyê de axivî, wiha got: “Kurdistan bêstatu ye û destpêka hemû pirsgirêkan jî ev e”. Endezyarê Xurekê Ramazan Polat jî wiha got: “Şerê li Kurdistanê vê krîzê kûrtir dike.”
Di Tunela Kopê ya li ser rêya bejahiyê ya Erzirom û Baybûrtê çêkirina wê didome de hezaz çêbû, karkerek mir û 3 karker jî birîndar bûn.
Serokwekîlê Koma DEM Partiyê Sezaî Temellî diyar kir ku AKP li çar parçeyên Kurdistanê tenê belavkirina mêtingeriyê dike û got: “Hînterlanda kedxwariya kapîtalîzmê êdî Kurdistan e. Paradîgmaya xweseriya demokratîk a Ocalan li dijî vê pergalê çareseriyê li pêş dixe.”
Li Îdira ku amadehiyên zivistanê dest pê kirine, welatî bala xwe didin sotemeniya xwezî û alternatîf a sergûnan. Welatî diyar kirin ku ew ji ber bihayê zêde, nekarîn sergûnan jî bistînin.
Şîrketa parlamenterê AKP’î Ferhat Nasiroglû ya bi navê Fernas Şîrketler Grûbû di navbera salên 2011 û 2022’yan de bi giştî bi bihayê 7 mîlyar lîreyan îhaleyên cemaweriyê girtin.
Parlamenterê DEM Partiyê Sezaî Temellî diyar kir ku mezinbûna ji sedî 2,5’ê ya di aboriyê de nîşaneya pirsgirêka resesyonê ye û wiha got: “Heta welêt demokratîk nebe aborî baş nabe.”
Li Deşta Bazîkê ji ber zêdebûna lêçûnan û di dema rakirinê de daketina bihayan, berhem li nav zeviyan man.
Sûka Tarî ya navçeya Cizîrê ku xwedî dîrokeke kevnar e ji ber krîza aborî vikûvala ye. Dikandarên sûkê diyar kirin ku ji ber krîza aborî êdî welatî nikarin dan û standinê bikin û ji ber vê yeke ew jî nikarin debara xwe bikin û hatine wê astê ku dê dikanên xwe bigirin.
Welatiyên ku êdî nema dikarin pêdiviyên xwe yên sereke jî pêşwazî bikin, diyar kirin ku bi pêşhilbijartinê û guherandina îktîdarê re aborî jî dê baş bibe.
ÎSÎG’ê di rapora xwe de diyar kir ku di meha tebaxê de 179 karkeran di cînayetên kar de jiyana xwe ji dest dane.
Li Wanê xwendekaran anî ziman ku êdî nikarin pirtûkên kevn jî bikirin. Sahafên ku karê wan nabe jî ragihandin ku daxwaza bi deyn zêde bûye.