ROJEVA 28'Ê KANÛNA 2023'YAN
- rojane
- 09:00 28/12/2023
DEM Partî, dê di 6'ê Çileyê û piştî wê de li gelek bajar û navçeyan ji bo diyarkirina namzetan hilbijartinekê li dar bixe.
Di doza der barê teqîna li Pasûrê de ku 7 kes miribûn, hat xwestin ku der barê hevşaredar Fatma Ay û Fatîh Taş ên ji peywirê hatin girtin de biryara beraetê bê dayîn, lê her du hevşaredar bi "endamtiya rêxistinê" bên cezakirin. Her wiha dozger xwest 8 caran cezayê muebeda giran û 12 caran jî cezayê muebedê li Kendal Barût ê daxilî dosyeyê hat kirin bê birîn.
Hevserokê DEM Partiyê yê Semsûrê Huseyîn Coşkûn bertek nîşanî êrişên Tirkiyeyê li dijî Bakur û Rojhilatê Suriyeyê dan û got ku armanca êrişan kurd in.
Nobetên Edaletê yên bi daxwaza azadiya fîzîkî ya Abdullah Ocalan li Amed, Stanbol, Wan, Edene û Mêrsînê hatine destpêkirin domiyan. Çalakvanan gotin ku li dijî tecrîdê roj roja têkoşîn û serhildanê ye.
Bi daxwaza azadiya fîzîkî ya Abdullah Ocalan û çareserkirina pirsgirêka kurd bi rêyên demokratîk, li Îzmîrê Nobeta Edaletê hate destpêkirin. Kesên tev li çalakiyê bûn gotin ku Ocalan ne tenê ji bo gelê kurd, ji bo aştiya cîhanê têdikoş e.
Siyasetmedara kurd Sebahat Tuncel diyar kir ku ji bo vekirina rêya çareseriyê ya ji Îmraliyê re derbas dibe, dest bi greva birçîbûnê dike.
Koordînasyona Giştî ya Şopandina Grevên Birçîbûnê diyar kir ku divê daxwazên girtiyên di greva birçîbûnê de esas bên girtin û banga “bikevin nava liv û tevgerê” li rêxistinên neteweyî û navneteweyî kir.
Dayik û kesên tev li Nobeta Edaletê bûn, bi pêşengtiya MED-TUHAD FED’ê ji bo Rêberê PKK’ê Abdullah Ocalan û girtiyên din ên li Girtîgeha Îmraliyê qert şandin. Di çalakiyê de hat gotin ku heta Abdullah Ocalan ji hêla fîzîkî ve azad dibe dê têkoşîna wan jî bidome.
Ji kesên li Îzmîr, Mûgla û Manîsayê di encama operasyanan de hatin binçavkirin 9 jê hatin berdan.
Li bajarên mezin ên Amed, Mêrdîn û Wanê ji bo hevşaredariyê bi giştî 590 kesan serlêdan kirine.
Komeke provokator ji bo daxuyaniyê bide li Enqereyê li pêşiya avahiya DEM Partiyê kom bû.
Li Bucayê navê “Esat Oktay Yildiran” li dibistanekê hatibû kirin û piştî bertekan ev nav hate guherandin.
Di doza qetilkirina Mehmet Sîncar de dozger hate guherandin lewma mutalaa nehat amadekirin.
Abdurrahîm Gun ku bavê wî di êrişa cerdevanan de hate qetilkirin û ew bi xwe jî birîndar bûbû, li Nexweşxaneya Fakûlteya Tipê ya Zanîngeha Dîcleyê cara 4’emîn emeliyat bû.