ROJEVA 18’Ê SIBATA 2024’AN
- rojane
- 09:00 18/2
Li Şirnexê ji 32 kesên hatin binçavkirin, 4 kes hatin girtin.
Jinên Mêrsînê diyar kirin ku guhertina ku desthilat dixwaze di Qanûna Medeniyê de bike êrişa li dijî mafên jinê û azadiya wê ye û gotin ku ew ê destûrê nedin vê guhertinê.
Hevserokê Giştî yê DEM Partiyê Tûncer Bakirhan ku bi rêxistinên sivîl û rêxistinên girseyî yên demokratîk re civiya got: “Kesên ku serê xwe datînin ser sijdeyê û aqlê wan li ser heramiyê hilbijêrên qaçax vediguhêzin. Lê em ê jî, ji bo ku hilbijêrên xwe yên helal bişînin wir divê em di nava hewldaneke cidî de bin."
Li navçeya Peyasê jina bi navê A.A. rastî êrişa zilamekî ku navê wî nehat hînkirin, hat.
Rêveber û endamên DEM Partiyê ji bo "Mîtînga Demokrasî û Azadiyê" ku dê di 25'ê Sibatê de bê lidarxistin, li Qada Esenyûrtê belavok belav kirin.
Hevserokê Giştî yê DEM Partiyê Tuncer Bakirhan li Enqereyê di hevdîtina bi nûnerên rêxistinên civaka sivîl re de diaxive.
DEM Partiyê ji bo Şaredariya Bajarê Mezin a Enqereyê siyasetmedara kurd a girtî Gultan Kişanak û Ozturk Turkdogan weke namzet nîşan da.
Ji bo azadiya fîzîkî ya Rêberê PKK’ê Abdullah Ocalan li gelek bajaran çalakiya Nobeta Edaletê hat lidarxistin. Di çalakiyan de hat gotin ku divê hemû derdor li dijî tecrîda roj bi roj belav dibe, toreke xurt a têkoşînê ava bikin.
ÎHD û Înîsiyatîfa ji bo Girtiyên Nexweş Azadî gotin ku li dijî girtiyên nexweş nêzikatiyeke dijminane di meriyetê de ye û xwestin ku girtiyên nexweş ên rewşa wan giran Salman Yildiz, Serhat Karsu û Ufuk Keskîn bên berdan.
Dayikên Şemiyê aqûbeta Ridvan Karakoç pirsîn ku 29 sal berê di bin çavan de hatibû windakirin û gotin ku dê bi tu awayî dest ji lêgerîna edaletê bernedin.
ÎHD û Xizmên Windakiriyan di çalakiyên vê hefteyê de aqûbeta Mehmet Mehdî Akdenîz, Tahir Aslan û Mehmet Alî Aslan ên di bin çavan de hatine windakirin pirsîn û xwestin ku faîlên Abdulkerîm Vardar ê hatiye qetilkirin jî were darizandin.
Şaredariya Bajarê Mezin a Wanê ku di bin rêveberiya qeyûm de ye, nehişt afîşên bi kurdî yên DEM Partî û DBP’ê têkildarî 21’ê Sibatê Roja Zimanê Dayikê ya Cîhanê li bîllboardan bên daliqandin.
Berdevka DEM Partiyê Ayşegul Dogan biryarên MYK’ê eşkere dike.
DEM Partî dê di 25’ê sibatê de “Mitînga demokrasî û azadiyê” li dar bixe. Hevseroka DEM Partiyê ya Stenbolê Gonca Yangoz banga tevlibûna mitîngê kir û wiha got: “Ev mitînge banga ji bo demokrasî, azadî û jiyana nû ye.”