Namzetên hevşaredariyê yên Amedê ji bo dengdayînê bang kirin
- rojane
- 14:12 31/3
Namzetên hevşaredariyê yên bajarê mezin ên Amedê ji bo dengdayîn bang kirin û gotin: “Werin li sindoq û dengên xwe xwedî derkevin.”
Namzetên hevşaredariyê yên bajarê mezin ên Amedê ji bo dengdayîn bang kirin û gotin: “Werin li sindoq û dengên xwe xwedî derkevin.”
Mîthat Sancar ê DEM Partiyî bertek nîşanî hîleyên hilbijartinê yên li Xelfetiyê da û wiha got: “Em îradeya xwe nadin dizîn, nadin xespkirin. Bila gelê neçûna sindoqan nefikire.”
Parlamenterê DEM Partiyê Sirri Sakik, dîmenê jineke nexweş parve kir û wiha got: “Gelê Agiriyê li dijî dorpêça leşker û polîsan nexweşên xwe wiha tîne ser sindoqê.”
Ji ciwanan heta kal û pîran, ji saetên serê sibehê ve li Amed, Sêrt, Çewlig, Dêrsim û Êlihê gel diherike ser sindoqan.
Li Hatayê ku di dema erdhejê de bandoreke mezin li ser çêbûbû, gel diçe ser sindoqan û dengê xwe dide.
Serokê Giştî yê MHP'ê Devlet Bahçelî dengê xwe da û balkêş bû ku ser û çavên wî reş û şîn bûne.
Tevî li bajarên bakurê Kurdistanê bi giştî dê li 32 bajaran karûbarên dengdayînê saet di 16.00'an de bi dawî bibin.
Li bajarên Serhedê ji ber Remezanê di saetên serê sibê de çûyîna ser sindoqan kêm bû lê ber bi nîvro ve çûyîn zêde bû.
Li bajarên Kurdistanê ji bilî hilbijêrên “veguhestî” gelek binpêkirin çêbûn.
Halîme Bayram a 94 salî li navçeya Pasûrê çû ser sindoqê û dengê xwe da.
Li Stenbolê dê 11 milyon û 314 hezar û 516 kes biçe ser sindoqan û dengê xwe bide. Hêj ji saetên zû yên serê sibehê ve welatiyan li Stenbolê berê xwe dan dibistanan û dest bi dayîna dengan kirin.
Hevserokê Giştî yê DEM Partiyê Tuncer Bakirhan piştî dengdayînê bal kişand ser hilbijêrên veguhestî û wiha bang kir: “Tevî hemû tiştan, em tevahiya gelê xwe bi hemû hêza xwe ve vedixwînin dengdayînê û parastina sindoqan.”
Berdevka DEM Partiyê Ayşegul Dogan hilbijêr li dijî agahî nerast hişyar kir û wiha got: “Em dizanin bihêrs in lê hêrsa xwe bi çûna ser sindoqan û dengdayînê hêrsa xwe derxînin.”
Dema li Qersê deng bi komî dihatin avêtin, Serokwekîla Koma DEM Partiyê Gulistan Kiliç Koçyîgît pirsa “Hûn ji ku hatine?” pirs kir û leşkerekî wiha bersiv da: “Em ji derveyî bajar hatine.”
Qeymeqam û qeyûmê Geverê Omer Cîmşît, bi namzetê AKP’ê yê bajaroka Bajêrgeh a girêdayî navçeyê Dirbaz Buyuksu re li ser sindoqan geriya.