Ahmet Dagtekîn, birayê karkerê demsalî Ethem Dagtekîn ku di qezayeke trafîkê de jiyana xwe ji dest dabû, got: "Ev, polîtîkayeke dewletê ye. Hin jê di rê de dimirin hin jê di behrê de difetisin hin jê jî di êrîşên nîjadperest de jiyana xwe ji dest didin."
Karkerên kurd ên li navçeya Bîgayê, ragihandin ku 5 roj in ava tê konên wan hatiyye qutkirin û gava ji bo çareserkirina pirsgirêkê hevdîtin bi keya û qeymeqam re kirin, her duyyan jî bi zimanekî cihêkar bi wan re axivîne.
Serokê Komeleya Karkerên Bêtemînat Abdulselam Kûtlû, anî ziman ku ji bo pêşî li ber êrîşên li ser karkerên kurd ên ji ber siyaseta berberîtiyê pêk tên bên girtin, divê kiryar bê ceza nemînin.
Ligel ku ji bo Cejna Qurbatê tenê rojek ma jî, heywanên qurbanê yên anîn Sûka Heywanan a Zindî di destên sewalkaran de man.
Gelê Amedê ku pirsgirêka aboriyê dijî, nikare debara xwe bike û ji debara xwe bi fikare, Cejna Qûrbanê bîr kiriye.
Hilberînerên mişmişên organîk, anîn ziman ku ji ber ku karekî zehmet e di demên dawî de gelek mişmişan bi dermanan hişk dikin û xwest her kes mişmişên organîk tercîh bike.
DAIŞ'ê ku li Kobanê têk şikiya, di sala 2015'an de li Pirsûsê ciwanên ku xwestin ji bo zarokên Kobanê pêlîstokan bibin hedef girtibû û di vê êrişê de 33 mirov jiyana xwe ji dest dabûn. Li gorî şahidê komkujiyê Mehmet Koştî, piştî êrişê heger bi zanebûnê dereng mudaxileyî birîndaran nehata kirin, dibû ku ewqas kes jiyana xwe ji dest nedana.
Sewalvanan anîn ziman ku Bazara Qurbanê sekan e, mirov perîşan bûne û aborî ji binî ve hilweşiyaye.
Endezyarê Çandiniyê Engîn Işik, diyar kir ku ji ber hişkesaliyê fiyetên êm û kayê bihabûne û sewalvan ji bêgavî heywanên xwe difiroşin û got: "Heger tevdîr neyên girtin, dê nan bi fiyetekî du qat bihatir bê ser sifreya me."
Li navçeya Alîagayê dema jihevxistina keştiyê di encama şidîna gazê teqîn pêk hat. Di teqînê de karkerek jiyana xwe ji dest da û karkerek jî birîndar bû.
Cotkarên li Dêrikê ku trafoyên ceryana wan hatibûn rakirin diyar kirin ku DEDAŞ’ê dest daniye ser desteka ji bo sewal, mazot, gubreyê û fatûreyên ceryana wan di nirxê eraziyên wan de ne.
Ji bo Serokê Giştî yê Maden-Îşê yê Serbixwe Tahîr Çetîn û endamê sendîkayê karker Alî Faîk Înter ên ji bo mafên xwe ji Somayê çûbûn Enqereyê û di vegerê de di qezaya trafîkê de jiyana xwe ji dest dan, merasîma oxirkirinê hat lidarxistin.
Karkerên Sînboyê ku di bi binçavan de lêgerîna tazî li wan hat kirin, diyar kirin ku dema li dijî vê rewşê derketin polîsan ji wan re gotiye “Em her tim vê yekê dikin.”
Cotkarên titûnê nerazîbûn nîşanî “belgeya karbidestiyê” ya danîn pêşiya titûnfiroşan dan û gotin: “Ev yasa tê wê maneyê ku titûnê teslîmî lobiyan bike. Nanê me ji destê me diçe. Kêr gihîştiye hestî.”
Waniyan diyar kirin ku deyn dikin û heqê fatûreyên xwe didin û gotin: "Ên zemê dikin bila dema hilbijartinê neyên doza rayan nekin."