Seroka EMEP'a Kocaeliyê Arzû Erkan, diyar kir ku hikûmet bi feraseta "Çi bibe bila bibe lê divê hilberîn bidome" tev digere û got: "Heger mirov hem li biryarên îqtidarê hem jî li yên walîtiyan mêze bike, ne karker ne jî malbatên karkeran ne di xema wan de ne."
DÎSK-AR, ji ber vîrûsa koronayê di nava endamên xwe de lêkolin kir û di rapora amadekirî de, diyar kir ku 4 endamên wan jiyana xwe ji dest dan û 257 karker jî bi vîrûsê ketin.
Li Navçeya Şemrexê ya Mêrdinê, karkerên rêya trênê ya Fabrîqeya Etî Bakir a aydî Holdînga Cengîz, bi boneya şert û mercên kar şermezar bikin, dest bi çalakiya rûniştinê kirin.
Dolar serê sibê li hemberî nirxên Lîrayê Tirk bi 6,91 tl dest pê kir.
KESK’a Wanê nexşeya vîrûsa korona ya Wanê belav kir û diyar kir ku bi nedaxilkirina girtiyên siyasî ya guhertina yasaya înfazê girtiyên siyasî terkî mirinê kirin.
37 karkerên ku li îstasyona muayineya maşîneyan a Rihayê ya TUVTURK'ê kar dikirin û ji ber bûn endamê sendîkayê ji kar hatin avêtin, 514 rojin ji bo mafê xwe bistînin li ber xwe didin.
Sendîkaya Karkerên Serxbixwe yên Medenê, diyar kir ku li gel vîrûsa koronayê jî li kanên medenê yên Somayê bêyî girtina bergiriyan xebat li karkeran tê ferzkirin û Kargeha Medenê ya Polyakê 700 karkerî kiriye qampê û xebat li wan ferz dike.
Prof. Ahmet Şahînoz, diyar kir ku kêmbûna xerckirinên mezaxtinê ya ji ber vîrûsa koronayê dê rê li ber tengbûna pêşkêşî û daxwaziyê vebike û wiha got: “Ji bo sivik derbaskirina qrîzê divê Hikûmet ji mirovan re dahateke ku nekeve bin sînorê birçîbûnê dabîn bike.”
Welatiyên li Wanê ku li dijî vîrusa corona li malên xwe dimînin, li hewş û zeviyên xwe çandiniya baxçeyan dikin. Welatî hem xwe ji vîrûsê diparêzin, hem jî ji bo fêkî û sebzeyên organîk şitilan diçînin û difiroşin.
Li gundê Qizqapan ê Panosê heywanên ku ji bo zivistanê bên firotin payizê bi deyn hatibûn kirîn, ji ber vîrûsa coronayê nayên firotin. Ji ber ku bazar girtîne alvêr nayê kirin.
Li Girtîgeha Hejmara 4 a Tîpa T a Şakranê, ji ber ku bi rêya malbatên xwe ragihandin ku li girtîgehê bergirî nayên girtin, rêveberiya girtîgehê cezayê dîsiplînê li girtiyan birî.
Platforma Şaxên Sendîkayên Karkerên a Stenbolê, diyar kir ku testên vîrûsa koronayê yên 53 karkerên tersaneyên Tûzlayê pozîtîf derketiye.
Alîkarê Hevserokên Giştî yên HDP’ê Garo Paylan ê ji Aboriya HDP’ê Berpirsiyar e diyar kir ku wan li dijî vîrûsa koronayê Teklîfa Qanûna Ewlehiya Aboriyê pêşkêşî Meclîsê kirine û dema polîtîkayên aştiyê bikevin sepanê dê Tirkiye 200 milyoar lire tasarûf bike.
Platforma Şaxan a Sendîkayên Karkeran a Stenbolê, bang li hemû sendîkayan kir ku 1'ê Gulanê Cejna Karkerên Cîhanê bi hevre pîroz bikin.
Endezyarê Çandiniyê Şerîf Kayalik, anî ziman ku heger şewb dirêj dewam bike dibe ku di warê çandinî û sewalvaniyê de xela çêbibe û ji bo çareseriyê "hilberîna demokratîk û komunal" pêşniyar kir.