Meclisa Partiya Herêmên Demokratîk (DBP) danezana civîna xwe ya di 27’ê Sibatê li Amedê pêk anîn de, ji raya giştî re eşkere kir. Di civîna nirxandina rewşên polîtîk û rêxistinî de, biryara bilindkirina têkoşîna li dijî operasyonên jenosîta siyasî ku herî dayî Hevserokê Giştî Mehmet Arslan hatin girtin ên berdewam dikin, hat dayîn.  

 

Danezana encama civînê wiha ye: 

 

“Li Rojhilata Navîn netew dewlet yek bi yek têk diçin û xebatên ji nûve dîzayn kirina sînor zêde dibin. Di serdemeke wiha de li dijî dagirkeriya faşîzma AKP û MHP’ê, gelên Efrînê 40 rojin li ber xwe didin.  Fajîzma AKP-MHP’ê ji roja destpêkê heya niha bi çeteyên xwe re armanc dike ku destkeftiyên şoreşa Rojava yên li Sûriyeyê tasfiye bike û kompluya navneteweyî di şexsê Efrînê bi encam bike.  Lê ev hesabên wan çawan ku li Kobanê têk çûn, li Efrînê jî ji roja destpêkê ve bi berxwedaniyek mezin a gelan têk çûn. Gotin em ê ‘di sê rojan, di hefteyekê de wir ser û bin bikin.’ Lê 40 rojin li Efrînê şer berdewam dike û hêzên faşîzma dagirker çarek din li Efrînê di çiravê de man. Hêzên emperyalîst ên Rojhilata Navên kirin gola xwînê, dê bi berxwedana Efrînê û perspektîfa modernîteya demokratîk û netewa demokratîk a gelê kurd carek din bin bikevin.  

 

'EM BIBIN DENGÊN BERXWEDANA GIRTÎGEHAN' 

 

Piştî hewldana darbeya 15’ê Tîrmehê û îlan kirin OHAL’ê, şert û mercên li girtîgehan xerabtir bûn. Faşîzmam AKP û MHP’ê ku bi polîtîkayên derve de re welat veguherandine kaosê, dixwazin tola xwe ji girtiyên siyasî yên kurd bistînin.  Bi pêkanînên xwe yên sîrgûn, tecrît, kincên yek tîpî û hejmara leşkerî ya ser piyan dixwazin vîna girtiyên siyasî teslîm bigirin. Lê li dijî faşîzma AKP û MHP’ê hevalên me diyar kirin ku ‘Bedela wê çi dibe bila bibe dê berxwe bidin.’ Em dixwazin demildest binpêkanînên dijî mirovahî, îşkence û bêmafiyên li girtîgehan bi dawî bibin. Em cardin diyar dikin ku emê bibin dengên berxwedana hevalên xwe yên di girtîgehan de.” 

 

‘8’Ê ADARÊ DÊ JI NEWROZÊ RE BIBE PIR’

 

Êrîş û tundiya dewlet-zilam ên li ser jinan bê navber berdewam dikin. AKP ji bo desthilatdarî, netewperestî û zayendperestiya xwe rewa nîşan bide, dest ji polîtîkayên xwe yên şer ên îstîsmara zarokan bernade. Li dijî van qirkirinên civakî û faşîzmê dê jin di 8’ê Adarê de li qadan bin.  Platformên jinan ên berî 8’ê Adarê li gelek bajarên Tirkiye û Kurdistanê hatin avakirin, dê bi hemû hêza xwe beşdarî 8’ê Adarê bibin û xebatên xwe birêv bibin. Berxwedana jinan a di 8’ê Adarê de despê kirin, dê bibe pir ji Newrozê re. Em ê ji 8’ê Adarê heya Newrozê, berxwedana baweriya azadiya gelan bilindtir bikin.”