AMED - 252’emîn hejmara rojnameya Xwebûnê bi manşeta “Kurdîstan kerdo rantîstan” derket pêşberî xwînerên xwe. 

 

Rojnameya Xwebûnê di vê hêjmara xwe ya 252’yemîn de bi kirmanckî manşeta “Kurdîstan kerdo rantîstan” bal kişand ser lîstikên PDK’ê yên beriya hilbijartina 20’ê Cotmehê. Nivîskar Xido Kokim beriya hilbijartinên 20’ê Cotmehê ku li Herêma Kurdistanê pêk bê, bal kişand ser polîtîkayên PDK’ê yên li herêmê û destnîşan kir ku hilbijêr an dê dengê xwe bidin "Kak firoşkerê Kurdistanê" an jî dê bidin hewldana azadiyê. 

 

Rojname di rûpela jinê de cih daye analîza Nivîskar Sorgul Şêxo. Nivîskar Sorgul Şêxo diyar dike ku rêya jinan rêyeke dirêj e, rêyeke tijî stirî, kevir û gur in. Şêxo destnîşan dike ku dibe ew bi bahoz û tofanan re jî rû bi rû werin, lê divê bizanibin çima wan ev rê ji xwe re hilbijart, dixwazin çi bikin û bighêjin ku derê, ji xwe bikin. 

 

Rojnameyê di rûpela hevpeyvînê de jî bal kişand ser rewşa gelê Belûcî. Endamê Partiya Gelê Belûcistanê Cehanzîb Belûc di hevpeyvînê de destnişan dike ku rewşa siyasî û erdnîgarî ya gelê Bêlûç û kurd dişibe hev û Belûc jî wekî kurdan di nava dewletan de hatine parçekirin û ev parçekirina neteweya kurd û bêlûçan bêtir wan nêzî hev dikin.