STENBOL - Nobeta akademîsyenan a li dijî Rektorê Qeyûm a Zaningeha Bogazîçî didome. Akademîsyenan carek din pişta xwe dan rektor û daxwaza Zanîngeha Xweser kirin.
Çalakiyên li dijî tayînkirina Rektorê Qeyûm a Zanîngeha Bogazîçî didome. Bi fermana Serokomar û Serokê AKP'ê Tayyip Erdogan Melih Bulu yê AKP'î wekî qeyûm tayînî Rektoriya Zanîngeha Bogazîçî hatibû kirin. Çalakî û nobeta li dijî Rektorê Qeyûm di roja 46’an de didome. Li gel xwendekarên zanîngehê akademisyên zanîngehê jî nobetê digirin. Her roj saet di 12.00’an de akademîsyen li qada Kampusa Guney a Zanîngehê kom dibin û pişta xwe didin avahiya Rektoriyê û Rektorê Qeyûm şermezar dikin. Akademîsyenan di çalakiyê de Zanîngeha Xweser xwestin.