STENBOL - Hevberdevkê HDK'ê Sedat Şenoglû jî di nav de 17 siyasetmedar hatin girtin.
Di 8'ê Îlonê de li dijî Partiya Sosyalîst a Bindest (ESP) operasyonek hatibû lidarxistin. Di çarçoveya operasyonê de Hevberdevkê Kongreya Demokratîk a Gelan (HDK) Sedat Şenoglû jî di nav de 17 siyasetmedar sewqî Edliyeya Çaglayanê hatin kirin û hatin girtin.
Hat hînbûn ku her 17 siyasetmedar bi îdiayên" endamtiya rêxistinê" û "propagandaya rêxistinê" hatine girtin.
Kesên hatine girtin ev in: Hevberdevkê HDK'ê Sedat Şenoglû, Endama Meclîsa Jinê ya Sosyalîst (SMK) Çîçek Otlû, endamên Meclîsa Partiyê ya ESP'ê Volkan Ûyar, Mûstafa Nacî Toper û Selver Orman, Îlke Başak Baydar, Yucel Karadag, Ozan Ozgenler, Ozancan Sari, Îlhan Aslan, Alper Kaba, Ezgî Bedel, Zekeriya Aykût Karnap, Gozde Sivaslioglû, Beren Atici, Mûstafa Bozali, Taner Taş.