MOSKOV - Berdewkê Kremlînê Dmîtriy Peskov, têkildarî lihevkirina wan û Tirkiyeyê ya li ser Bakur û Rojhilatê Sûriyeyê diyar kir ku heke hêzên kurd venekişên dê bibin hedefa êrîşên artêşa tirk. 

 

Berdewkê Kremlînê Dmîtriy Peskov, têkildarî lihevkirina Rûsya û Tirkiyeyê ya li ser Bakur û Rojhilatê Sûriyeyê daxuyanî da. Ji Peskov nirxandina Nûnerê Taybet ê Sûriyeyê yê Amerîkayê James Jeffrey a têkildarî peymana di navbera Rûsya û Tirkiyeyê hat pirsîn û ev bersiv da: "Amerîka di salên xwe mutefîkê herî nêz ê kurdan bû. Di encamê de Amerîka kurdan terk kir, heta bi maneyeke din wan xapand. Kurdan li ser sînor hiştin û defandin şerê bi tirkan re." 

 

Peskov di berdewamê de jî destnîşan kir ku heke hêzên kurd ji ser sînor venekişin, parastvanên sînor ên Sûriyeyê û leşkerên rûs ên ku biryar hatiye dayîn li ser sînor bên bicihkirin, dê neçar bimînin ku vekişin û ev tişt got: "Wê demê hêzên kurd bikevin bin silindirê artêşa tirk."