
Ciwanên ku sîxurtî lê ferz kirin: Em ê paş ve gavê neavêjin

2021-08-16 16:04:10


	&nbsp;

	STENBOL - Ciwanên HDK’î û HDP’î ku hatin revandin û sîxurtî li wan hat ferzkirin diyar kirin ku îşkence li wan hatiye kirin û dan zanîn ku wê paş ve gavê neavêjin û xebatên xwe yên siyasî bimeşînin.&nbsp;

	&nbsp;

	Têkildarî revandin û lê ferzkirina sîxurtiyê ya endamên Meclîsa Ciwanên Partiya Demokratîk a Gelan (HDP) û Kongreya Demokratîk a Gelan (HDK) li Şaxa Komeleya Mafê Mirovan (ÎHD) a Stenbolê civîna çapemeniyê hat lidarxistin. Ciwanên ku sîxurtî lê hat ferzkirin û parlementera HDP’ê ya Stenbolê Zuleyha Gulum beşdarî civînê bûn. Di civînê de pankarta “Binçavkirin, revandin nikarin me bidin sekinandin. Zext nikarin ciwanan bêdeng bikin” hat vekirin.&nbsp;

	&nbsp;

	Seroka Şaxa ÎHD’ê ya Stenbolê Gulseren Yolerî, diyar kir ku di demên dawî de bûyerên weke van zêde dibin. Yolerî, da zanîn ku ev rewş bê hiqûqî ye û xwest daraz bikeve nav tevgerê.

	&nbsp;

	ÎŞKENCE KIRIN

	&nbsp;

	Endamê HDK’ê Mûrat Çoral anî ziman ku di 13’ê tebaxê dema ligel du hevalên xwe diçû navçeya Sancaktepeyê saet 23.00’yan de wesayiteke zirxî pêşiya wan girtiye, li nasnameya wan pirsiye û wiha got: “Bêyî nasnameyan kontrol bikin ez û her du hevalên min xistin wesayîtê de û ser devkî em dirêj kirin. Di vê navberê de heqaret li me kirin xeber gotin û di nava erebeyê de bi cop û pêhnan li me dan. Dûre em birin nav daristanekê û li vir jî îşkence li me kirin û pişt re bi hêceta ‘çay vexwarinê’ sîxurtî li me ferz kirin. Piştî 25 deqîqeyan jî em berdan.” Çoral, destnîşan kir ku li dijî van pêkanînan dê paş ve gavê neavêjin û wê xebatên xwe yên siyasî bimeşînin.

	&nbsp;

	SERLÊDANA SÛC

	&nbsp;

	Endamê Meclîsa Ciwanan a HDP’ê Ozcan Gokçûr jî diyar kir ku polîsên ew revandin sîxurtî li wî ferz kiriye û derbarê rewşê de dê serlêdana sûc bike.&nbsp;

	&nbsp;

	LÊPIRSÎN NAYÊN VEKIRIN

	&nbsp;

	Parlementerê HDP’ê ya Stenbolê Zuleyha Gulum jî bertek nîşanî zextên ser ciwanan da û wiha got: “Gelek sûcên wiha hene, heta niha derbarê van de tu kirarî nedane dest pê kirin û lêpirsîn nehatine vekirin. Ev jî dide nîşandan ku ev kes di bin parastina desthilatê de ne.&nbsp;

	&nbsp;

	Gulum, destnîşan kir ku ji bo AKP desthilata xwe bimeşîne serî li van pêkanînên wisa dide û wiha axivî: “Me ev yek di salên 90’î de jiyan. Binçavkirin piştî demekî vegerîn mirinê. Heke em mudaxaleyî vê yekê nekin û weke muxalefeta civakî deng dernexînin, dibe ku em pêvajoyeke weke salên 90’î bijîn.”

	&nbsp;

	Ciwanên sixûrtî li wan hat ferzkirin, ji bo binpêkirina mafan serî li ÎHD’ê dan.

	&nbsp;