
Sadak: Ji bo diyalog bi pêş keve rakirina tecrîdê girîng e

2017-10-30 09:10:40


	AMED – Siyasetmedar Selîm Sadak tecrîda girankirî ya li ser Rêberê PKK’ê Abdullah Ocalan rexne kir û da zanîn ku tenê agahî ji Birêz Ocalan girtin têrê nake û wiha axivî: "Ji bo diyalog bi pêş keve divê Ocalan rola xwe bileyîze. Ji bo vê jî pêwîstî bi sererastkirinan şertên girtîgehê heye.”&nbsp;

	Demeke dirêj e ji Rêberê PKK’ê Abdullah Ocalan agahî nayê girtin û der barê tenduristî û ewlehiya wî de gumanên raya giştî her ku diçe zêde dibin. Siyasetmedar Selîm Sadak têkildarî rewşa Ocalan axivî û destnîşan kir ku divê demildest tecrîda li ser Ocalan bê rakirin û ev tişt go: “Tenê agahî ji Birêz Ocalan girtin têrê nake. Divê ku Ocalan ji bo diyalogê dîsa dikaribe rola xwe bileyîze, divê şertên wî bên başkirin. Tekane rêya çareseriya li Tirkiyeyê û Rojhilata Navîn ew e ku divê di çarçoveya perspektîfên Birêz Ocalan de polîtîka bê bi pêş xistin.”&nbsp;

	&nbsp;

	‘OCALAN DIKARE NEFESEK REHET BIDE TIRKIYEYÊ’&nbsp;

	&nbsp;

	Sadak da zanîn ku Ocalan dengê aştî û demokrasiyê ye û axaftina xwe wiha dewam kir: “Heke îro tecrîda li ser Birêz Ocalan nebûya û bikaribûya di vî şerê li Rojhilata Navîn de rola xwe bileyîstiya, dê ew qas texrîbat çênebûya. Her çiqas Ocalan li girtîgehê be jî dema şert û mercên wî baş dibin, her tim Tirkiye nefesek rehet distîne."

	&nbsp;

	‘DIVÊ DEMIL DEST AGAHÎ BÊ GIRTIN’&nbsp;

	&nbsp;

	Sadak diyar kir ku di warê çareserkirina pirsgirêka kurd de jî tenê rêya çareseriyê Ocalan dide nîşan û hatina ba hev a hemû gelan bi başkirina şert û mercên Ocalan pêkan e. Sadak anî ziman ku tecrîd rûxandinek mezin di nav civakê de çêkiriye û divê demildest ji rewşa tenduristî û ewlehiya Ocalan agahî bê girtin.&nbsp;

	&nbsp;

	Sadak di dawiya axaftina xwe bang li hemû saziyên mafên mirova yên netewî û navneteweyî jî kir ku ji bo Ocalan bikevin nav liv û tevgerê û xwst hemû siyasetmedarên kurd jî li hember rewşa Ocalan bêdeng nemînin.&nbsp;

	&nbsp;