
Şandeya DEM Partî û TJA’yê li Silêmaniyeyê hevdîtinên xwe didomîne 

2024-07-28 15:50:58


	&nbsp;

	NAVENDA NÛÇEYAN - Şandeya DEM Partî û TJA’yê li Silêmaniyeyê çendek hevdîtin kir. Parlamentera DEM Partiyê Gulcan Kaçmaz anî ziman ku di serdanan de pirsgirêka kurd û çareseriyên hevpar ên her çar parçeyan nirxandine.&nbsp;

	&nbsp;

	Şandeya Partiya Wekhevî û Demokrasiyê ya Gelan (DEM Partî) û Tevgera Jinên Azad (TJA) hevdîtinên xwe yên li Herêma Federe ya Kurdistanê didomînin. Şandeya ku Parlamentera DEM Partiyê ya Şirnexê Newroz Uysal, Parlamentera Wanê Gulcan Kaçmaz û parlamentera berê ya HDP’ê Ayşe Acar Başaran jî di nav de, îro li bajarê Silêmaniyeyê çûn serdana çalakvana siyasî Nermîn Osman.&nbsp;

	&nbsp;

	Di hevdîtinê de li ser geşedanên li başûr û bakurê Kurdistanê hatin nirxandin. Di heman demê de qala girîngiya azadiya Rêberê PKK’ê Abdullah Ocalan hate kirin.&nbsp;

	&nbsp;

	WALIYÊ SILÊMANIYEYÊ ZIYARET KIRIN

	&nbsp;

	Şande piştre jî çû serdana Waliyê Silêmaniyeyê Heval Ebûbekir. Di hevdîtinê de hat gotin ku ji bo pirsgirêka kurd bi rêyên aştiyane û demokratîk were çareserkirin, hewceye bi Abdullah Ocalan re hevdîtin bên kirin.&nbsp;

	&nbsp;

	EBÛBEKIR: HEVDÎTINÊN WIHA &nbsp;TÊGEHIŞTINÊ PÊŞ DIXE&nbsp;

	&nbsp;

	Waliyê Silêmaniyê Heval Ebûbekir piştre derheqê serdanê de daxuyanî da û wiha got: “Ji bo çareserkirina pirsgirêkan derfetên baş ên kurdan hene. Hevdîtinên bi vî rengî zêdetir têgihiştinê çêdike ku em ê çi bikin û hewl bidin ku zindanan bi kesên têkoşer û xebatkar tijî nebin. Li şûna wê ji bo destpêkirina aştiyê û bi diyalogê pirsgirêkên xwe çareser bikin.”

	&nbsp;

	‘PIRSGIRÊK Û ÇARESERIYÊN HEVPAR HATIN NÎQAŞKIRIN’

	&nbsp;

	Parlamentera Wanê Gulcan Kaçmaz jî anî ziman ku ji 25’ê tîrmehê ve li Başûr in û serdanên dîplomatîk pêk anîne. Kaçmaz, diyar kir ku di serdanên li Silêmaniyeyê de wan qala pirsgirêkên her çar parçeyên Kurdistanê kirine û çareseriyên hevpar nîqaş kirine. Kaçmaz, destnîşan kir ku divê pirsgirêka kurd bi rêyên aştiyane û demokratîk bên çareserkirin û ji bo vê jî divê ji ewil bi Abdullah Ocalan re hevdîtin bên kirin.&nbsp;

	&nbsp;

	Hat zanîn ku dê serdanên şandeyê yên li Silêmaniyeyê yên bi aliyên siyasî û kesayetên serbixwe re bidomin.&nbsp;

	&nbsp;