
Akbaşoglu yê AKP’yî Rûdawê wek ‘terorîst’ ragihand  

2022-06-17 11:31:46


	&nbsp;

	ENQERE - Serokê Wekîlê Koma AKP’ê Muhammed Emîn Akbaşoglu, qenala Rûdawê ku li Herêma Kurdistanê weşanê dike, wek “terorîst” ragihand.&nbsp;

	&nbsp;

	Wekîla Seroka Koma HDP’ê Meral Daniş Beştaş di Desteya Giştî ya Meclisê de mijara Selah Xidir Naso yê 12 salî û bapîrê wî Xidir Naso ku di êrişa SÎHA ya Tirkiyeyê li dijî navçeya Sinûnê ya bi ser Şengalê de jiyana xwe ji dest dan, anî rojeva Meclisê.&nbsp;

	&nbsp;

	Ji ber ku Beştaş mijarê anî rojevê, Wekîlê Serokê Koma AKP’ê Muhammed Emin Akbaşoglu aciz kir. Akbaşoglu êrişa li Sinûnê înkar kir û vê îdiayê kir: “Tirkiye ne bi balafir, ne bi ÎHA û ne jî bi SÎHA qet êrişa hewayî pêk neaniye. Ev nûçe bi temamî dûrî rastiyan e.”&nbsp;

	&nbsp;

	ÊRIŞÊ ÎNKAR KIR&nbsp;

	&nbsp;

	Beştaş got ew ê dîmen û lînka nûçeyan ji wî re parve bike. Akbaşoglu li ser vê yeke carek din êrişê înkar kir û dîsa îdia kir ku Tirkiye êrişan pêk nayîne.&nbsp;

	&nbsp;

	Beştaş wiha got: “Birêz Serok, ji kerema xwe bikevin malpera Rûdawê ku ew ji nêz ve destek dikin. Ewilî bixwînin, paşê bibersivînin.” Li ser gotinên Beştaş, Akbaşoglu bersivê da û ji bo Rûdawê got: “Ew çapemeniyek ku piştevaniya terorê dike ye.”&nbsp;

	&nbsp;

	&nbsp;