
HDP’ê serdanên xwe yên li Brukselê temam kirin 

2022-06-03 16:03:08


	&nbsp;

	ENQERE - Hevserokê Giştî yê HDP’ê Mîthat Sancar û şandeya pê re serdanên xwe yên 2 rojan ên li Brukselê temam kirin.&nbsp;

	&nbsp;

	Hevserokê Giştî yê Partiya Demokratîk a Gelan (HDP) Mîthat Sancar, Hevberdevkên Komîsyona Karên Derve yên HDP’ê Feleknas Ûca û Hişyar Ozsoy û Nûnerê Ewropa yê HDP’ê Dervîş Çîmen serdanên xwe yên 2 rojan ên Parlamentoya Ewropayê ya paytexta li paytexta Belçîkayê Brukselê temam kirin.&nbsp;

	&nbsp;

	Şandeya HDP'ê li ser rewşa siyasî ya li welêt, hilbijartinên ku demeke kurt jê re maye, senaryoyên hilbijartinê, dozên girtinê û Kobanê, êrişên li ser HDP'ê û konreya HDP'ê ya ku wê meha Tîrmehê bê lidarxistin, di hevdîtinan de nirxand. Her wiha têkiliyên navbera Tirkiye û Yekîtiya Ewropayê, rapora pêşketinê ya ku demeke nêz wê pêşkêşî dengdanê bê kirin, şerê li Ûkraynayê, nîqaşên li ser berfirehbûna NATO'yê, helwesta dewleta Tirk, êrişên dagirkeriyê yên nû, planên êriş û dagirkeriyê yên li ser Rojava, bi rayedarên Parlamenta Ewropayê re hatin nîqaşkirin.

	&nbsp;

	Şandeya HDP'ê roja destpêkê bi van kesayetan re hevdîtin kir:

	&nbsp;

	“Serokê PASOK/KINAL û ji Koma Sosyalîst-Demokratan a parlamenterê Ewropayê Nikos Androulakis û Serokê Delegasyona Partiya Demokratîk a Îtalyayê Brando Benifei, Serokê Koma Çep a Parlamenta Ewropayê (GUE/NGL) Martin Schirdewan, Alîkarê Serokê Parlementa Ewropayê û Serokê Delegasyona Syrîza ya Koma GUE/NGL Dimitrios Papadimoulis, Hevseroka Koma Kesk/EFA Ska Keller û Hevserokê Delegasyona Têkel a Yekîtiya Ewropa/Tirkiyeyê û parlamentê Ewropayê yê ji Koma Keskan Sergey Lagodinsky.”

	&nbsp;

	Heyetê di roja duyemîn de jî ji Parlamenta Ewropayê bi Raportê Timî yê Tirkiyeyê Nacho Sánchez Amor, Berdevkê Têkiliyên Derve ya Koma Partiay Gel a Ewropayê ya Parlamenta Ewropayê (EPP) Michael Gahler, Seroka Koma Sosyalîst - Demokratan a Parlamenta Ewropayê Iratxe García Pérez û Seroka Komîteya Jêrîn a Parastin û Ewlekariyê ya Parlamenta Ewropayê û endama Koma Lîberal (Renew) Nathalie Loiseau re hevdîtin kir.

	&nbsp;

	Tevî van heyeta HDP'ê bi endamên Koordînasyona Koma Dostaniya Kurd a Parlamenta Ewropayê Andreas Schieder, Fronçois Alfonsi û tîma kar û parlamenteran a koma dostaniyê re civîneke berfireh lidar xist û li ser karên dostaniyê axivîn.

	&nbsp;

	Heyeta HDP'ê di roja duyemîn a hevdîtinan de serdana navenda Partiya Sosyalîst a Ewropayê ya li Brukselê (Party of the European Socialists - PES) kir û bi rayedarên PES yetkilileri Giacomo Filibeck û Yonnec Polet re hevdîtin kirin.

	&nbsp;