
‘Em ê plana we ya çokdanînê pûç bikin’ 

2022-05-31 15:17:00


	&nbsp;

	EDENE - Hevserokê HDP’a Edeneyê Mehmet Karakiş diyar kir ku Doza Kobanê ku siyasetmedar lê tên darizandin têk çûye û wiha got: “Em dê weke gel bi sekna xwe ya berxwedêr û hişmendiya xwe ya demokrasiyê hemû planên we yên çokdanînê pûç bikin.”

	&nbsp;

	&nbsp;

	Rêxistina Partiya Demokratîk a Gelan (HDP) a Edeneyê, bi armanca balê bikişîne ser Doza Kobanê li avahiya partiya xwe daxuyaniyek da û çalakiya nobetê pêk anî.&nbsp;

	Endamê Meclîsa HDP'ê Erhan Basût, endamên Partiya Herêmên Demokratîk (DBP), Tevgera Jinên Azad (TJA), Meclîsa Dayikên Aştiyê, Komeleya Alîkarî û Piştgiriyê ya Bi Malbatên Girtî û Hikûmxwaran re ya Akdenîz û Edeneyê (AATUHAY-DER), Komeleya Piştgirî û Alîkariya bi Malbatên Xizmên Xwe Windakirine ya Akdenizê (AYKAY-DER), Berdevkê Partiya Ji Nû ve Avakirinê ya Sosyalîst (SYKP) yê &nbsp;Edeneyê Mehmet Alî Gulşen, xebatkarên Navenda Çandê ya Binevş, Serokê Şaxa Komeleya Mafên Mirovan (ÎHD) a Edeneyê parêzer Yakûp Ataş û rêveberiya wê, Endamê Desteya Rêveberiya Giştî yê Partiya Kedê (EMEP) Halîl Îmrek û gelek kes beşdarî çalakiya nobetê bûn.&nbsp;

	&nbsp;

	&nbsp;

	Hevserokê HDP’a Edeneyê Mehmet Karakiş ê daxuyanî da bertek nîşanî astengkirin û ledana jinên ku duh li bajêr xwestin têkildarî Doza Kobanê daxuyaniyê bidin da. Karakiş da xuyakirin ku hikûmet dixwaze Doza Kobanê di zûtirîn demê de bi encam bike û vê biryarê weke sedema girtina dozê pêşkêş bike û got: “Ev doza ku bi îdîanameyên çêkirî yên bi beyanên şahidên veşartî û vekirî hatine afirandin, bi helwesta siyasetmedarên me yên dîl girtî, ji bo me hilweşiya ye. Tevî hemû hevrêyên xwe yên di doza kumpasê de dîl hatin girtin û dixwazin bên darizandin em ê partiya xwe ya ku hêviya gelan e û paradîgmaya xwe ya nû ya jiyanê diparêze, bidomînin. Weke gelan, bi helwesta xwe ya berxwedan û têgihiştina demokrasiyê re, em ê van hemû planên çok danînê pûç bikin.”&nbsp;

	&nbsp;

	ÇALAKIYA NOBETÊ&nbsp;

	&nbsp;

	Girseyê pişt re li avahiya partiyê saetekê çalakiya nobetê pêk anî. Di dema çalakiya nobetê de kursuya serbest hate avakirin û banga têkoşîna hevpar hate kirin. Hevserokê Şaxa ÎHD’a Edeneyê Yakûp Ataş diyar kir ku bi doza girtinê û ya Kobanê mafê kirina siyasetê yê HDP’ê tê astengkirin û da zanîn ku dê mafê kirina siyasetê ya HDP’ê asteng bikin.&nbsp;

	&nbsp;

	Endamê Desteya Rêveberiya Giştî yê Partiya Kedê (EMEP) Halîl Îmrek jî diyar kir ku êrişên ser HDP’ê êrişên li dijî hemû hêzên demokrasiyê ne û banga têkoşîna hevpar kir.&nbsp;

	&nbsp;

	Daxuyanî piştî çalakiya nobetê ya saetekê bi dawî bû.&nbsp;

	&nbsp;

	&nbsp;