Aktîvîsta TJA’yê Sûna Kaymaz, diyar kir ku wan di çarçoveya kampanyeya “Em xwe diparêzên” de, li Stenbolê bi 5 hezar jinan re hatin gelhev û got: “Bersiva me ya li dijî hemû êrîşan diyare; berxwedan e.”
Komeleya Jinan a Starê, rapora sala 2020'an aşkere kir. Rêveberên komeleyê anîn ziman ku 24 jinan serî li komeleya wan dane û jinên serî li wan dane herî zêde bi tundiya derûnî re rû bi rû mane.
Îtîraza ji bo girtina Melek Îpek a ku Ramazan Îpekê bi awayekê pergalî tundî li wê û zarokên wê dikir, parastina çewherî bikar anîbû û kuştibû, ji aliyê 1’emîn Dadgeha Cezayê Sûlhê ya Antalyayê ve hat redkirin.
Berdevka TJA’yê Ayşe Gokkan diyar kir di biryara hêceta Leyla Guven de ku “civaka dayiksalarî” ku wek sûcê “nefretê” htiye nîşandan xwedî lê derdikevin û ew jî wek hevkarê vî sûcî xwe îxbar dikin û got. “Niha jî dixwazin şikestina sêyemîn a zayendê pêk bînin.”
Parlementera HDP’ê Zuleyha Gulum, diyar kir ku 102 nexweşxaneyên cemaweriyê bi awayekî fîîlî kurtaj qedexe ye û xwest ku derbarê sedemên qedexeya kurtajê de lêkolîn bên kirin û bi armanca ku xizmeta kurtajê ya li gorî daxwazê bergirî bên girtin lêkolîna meclisê xwest.
Li Qersê mêrê bi navê Y.A. yê xwest hevjîna xwe bikuje hat binçavkirin.
Serokê Partiya Pêşerojê ya Erdexanê Celîl Toprak, bi sûcdariya tundî li hevjîna xwe kir, hat girtin.
Midûriyeta Jinan a Şaredariya Silopiyê, li dijî destavêjî û tahdeya li jin û zarokan tê kirin, li tax û gundan mal bi mal digere û jinan serwext dike.
Biryara 12 sal û 5 meh cezayê girtîgehê ya ji bo Kadîr Şeker ê ku xwestibû Ozgur Dûran ê tundî li Ayşe D. dikir asteng bike û bibû sedema mirina wî, hatibû dayîn li Dadgeha Edlî ya Herêmê hat betalkirin.
Jinên stenbolî anîn ziman ku pêwendiya tahdeya li jinan tê kirin û cinayetên diqewimin bi tecrîda li Îmraliyê re heye û gotin: "Kuştina jinan jî perçeyek tecrîdê ye. Divê bandorên wan baş bên vegotin."
Li Enqereyê jina 74 salî Nimet Akgun, dema xwe û keça xwe ya astengdar li dijî tundiya hevjînê xwe yê 80 salî Alî Akgun parast, hevjînê xwe kêr kir û kuşt.
Name Ozturk ji bo girtina jinên ku li dijî tahdeyê xwe diparêzin got: "Tên cezakirin." Parêzer Dîren Cevahîr Şen jî destnîşan kir ku divê xala 25'an a TCK'ê pêk bê.
Li navçeya Gêlê Hanim Zeyrek a 20 salî bi awayekî biguman mirî hat dîtin.
Jinên ku li pêş Wezareta Xizmetên Civakî Xebat û Malbatê kuştina jinan şermezar kirin û navê wezaretê weke “Wezareta Polîtîkayên Serweriya Zilam û Cînayetên Jin” guhertin.
Osman Ç. ê ji ber sûcê tecawîzkirina zaroka bi navê Z.Ç. dihat dariznadin û ligel rapora DNA’yê bi hinceta “gumana bireve tuneye” hatibû berdan. Xwişka Z.Ç. Pervîn Şîşman, bertek nîşanî berdana Osman Ç. da û pirsa “Ev edaletek çawane?” û banga girtina bersûc kir.