
TJA: Medya hewzê têkoşîna jinan hedef digire 

2019-11-07 14:21:32


	AMED - TJA'yê, derbarê medya hewzê ku li wê dest bi kampanyeya reşkirinê kiriye de daxuyanî da û got: "Hûnê nekarin bi derewên xwe me reş bikin. Têkoşîna me ya mezin û rêxistinbûyîna me wê hîn zêde mezintir bibe."

	&nbsp;

	Tevgera Jinên Azad (TJA) bi daxuyaniyeke niîvskî bertek nîşanî nûçeyên derew û şaş yên medyaya nêzî îktîdarê ku li dijî wan servîs dike, da. &nbsp;Di daxuyaniyê de hat diyarkirin ku medyaya alîgir têkoşîna jinê ya bi rêxitin hedef girtiye û wiha hat gotin: "Ev kesên ku bi êrîş û tehdîdên xwe dixwazin me ji têkoşîna me dûr bigirin bila bizanibin ku em ê jiyana azad ava bikin."&nbsp;

	&nbsp;

	Daxuyaniya TJA'yê wiha ye:&nbsp;

	&nbsp;

	"Di 17 salnên dawîn ên îktîdara AKP-MHP'ê de her roj li vî welatî em jin bi qirkirin, tacîz, tecawiz, binpêkirina mafan, çewisandina kedê û bi binçavkirinê re rûbirû mane. li dijî hemû jinên ku serî netewandine û têkoşîn dane vê îkdtîdarê êrîşên xwe; bi pêkneanîna Peymana Stenbolê ku nekiriye meriyetê, bi hedefgirtina, bi binpêkirina mafê nefeqeyê û bi daxistina cezayê ji bo kesên ku qirkirin pêk anîne êrîşên xwe yên krîmînalîzekirina têkoşîna jinê û terorîzekirinê berdewam kirine.

	&nbsp;

	Medyaya havûz a mêr ku dengê îktîdarê ye bi rojan e parêstvanên mafên jinan, jinên siyasetmedar û em TJA'yê kirine hedefa êrîşên xwe. &nbsp;Ev medyaya ku di hemû qadên jiyanê de dibe sedema newekheviya zayendî û li jinê koletiyê ferz dike ku hêza xwe ji îktîdarê digire û hemû argûmanên îktîdarê ji bo xwe bi kar tîne, di derbarê me de bi nûçeyên reşkrinê ku çêdike têkoşîna jinê ya bi hêz a rêxistinkirî ku beriya 25'ê Mijdarê hatiye destpêkirin hedef digire.

	&nbsp;

	Em careke din bang dikin û dibêjin ku têkoşîneke jinê ya mezin ku bi derewên we nayê reşkirin heye û wê ev têkoşîna me bi lêgerîna mafan bi hêztir bibe. Emê li dijî êrîşên ser jinê bi parastina xwe ya rewa bersivê bidin van êrîşan."&nbsp;

	&nbsp;