
Seroka KADUM’ê: Bila desteka hiqûqî ji bo jinan bê temînkirin 

2017-11-25 10:25:08


	AMED – Seroka KADUM’ê Asli Pasînlî destnîşan kir ku tundiya li dijî jinê bi destê hiqûqê tê rewakirin û got: “Jinên tundî li wan tê kirin destekek têr û tije nabînin.”&nbsp;

	Seroka Navenda Sepandin û Şêwirmendiya Mafê Jinan a Baroya Amedê (KADUM) Asli Pasînlî bi munasebeta 25'ê Mijdarê Roja Têkoşîna li Dijî Tundiya li ser Jinan a Navneteweyî axivî û got ku tundiya li dijî jinê bi destê hiqûqê tê rewqakirin.&nbsp;

	&nbsp;

	‘PEYMANA STENBOLÊ NAYÊ SEPANDIN’&nbsp;

	&nbsp;

	Pasînlî bal kişand ser tundiya li dijî jinan û got: “Divê li dijî jinan tundiya hestewarî, aborî û zayendî neye pişt guhkirin. Peymana Stenbolê ya li dijî tundiya jinê û binpêkirina mafê jinê hatiye îmzekirin nayê sepandin.” Pasînlî destnîşan kir ku ew wek KADUM’ê her cûre destekê didin jinan û lê ji ber ku butçeya ji aliyê wezaretê ve hatiye diyarkirin kêm e.&nbsp;

	&nbsp;

	‘DESTÊ HIQÛQÊ BI TRAVMAYÊ RE RÛ BI RÛ DIMÎNIN’&nbsp;

	&nbsp;

	Pasînlî anî ziman ku piştî jin bi tundiyê re rû bi rû tên hitşin bi destê hiqûqê jî cara duyemîn rastî travmayê tên û wiha dewam kir: “Piştî tundiyê hewldana qanihkirina jinê û ji ber di hiqûqê de beyanê jinê esas nayê girtin li nexweşxaneyê û edliyê gelek caran tê gerandin û profîla jinek din derdikeve holê. Der barê ku tundî lê hatiye kirin delîl tê xwestin. Vê carê jî bi destê darazê travmayek din li ser jinê dest pê dike.”&nbsp;

	&nbsp;

	‘PARÊZER JIN MUDAXÎLÎ DOZAN DOSYEYAN NAYÊN KIRIN’&nbsp;

	&nbsp;

	Pasînlî diyar kir ku gelek caran beşdarbûna dosyeyan a parêzer jin nayê qebûlkirin û ew ji ber astengiyan nikarin mudaxîlî dosyeyan bibin. Pasînlî &nbsp;da zanîn ku di dozên tundiya li dijî jinan de darizandin bi mekanîk li pêş dikeve û li gel raporan jî hebûna jinê tune tê hesibandin.&nbsp;

	&nbsp;

	‘GILÎKIRINA XWE PAŞ VE DIKIŞÎNIN’&nbsp;

	&nbsp;

	Pasînlî anî ziman ku darizandinên dom dirêj dewam dikin polîtîkaya tepisandina li dijî jinê ye û ji ber doz dirêj dewam dikin jin gilîkirina xwe paş ve dikişînin.&nbsp;

	&nbsp;

	‘DIVÊ MAFÊ MUDAFA REWA BIGIRIN DEST’&nbsp;

	&nbsp;

	Pasînlî destnîşan kir k udi dozên îstîsmara zayendî û êrîşan de kêmkirina cezayan divê mafê jinan ê mudafa rewa bi berfirehî bê şîrovekirin û pêwîste mafê mudafa rewa yê jinan di çarçoveya Peymana Stenbolê de bi birferihî bigirin dest.&nbsp;

	&nbsp;

	&nbsp;‘MAL NAVENDA TUNDIYÊ NE’&nbsp;

	&nbsp;

	Pasînlî da zanîn ku herî zêde jin li nav malê rastî tundiyê tên û pêwîste li her qadê tundiya li ser jinê baş bê dîtin. Pasînlî got ku çawa êrîş û tundiya li dijî jinê li her saziyan heye di aliyê hiqûqî de ev tundî tê rewakirin û divê desteka hiqûqî ya bêpere ji bo jinan bê dayîn.

	&nbsp;

	MA / Sonya Bayik – Semra Turan

	&nbsp;