
HDP’ê bang li jinan kir: Werin bibin namzet

2018-11-27 13:15:21


	WAN - Meclîsa Jinan a HDP’ê yên Wanê, bang li jinan kir ku ji bo namzetiya hilbijartina herêmî ya 31’ê Adarê serlêdan bikin.

	&nbsp;

	Meclîsa Jinan a Partiya Demokratîk a Gelan (HDP) a Wanê, bang ki hemû jinan kir ku ji bo namzetiya hilbijartina herêmî ya 31’ê Adarê serlêdan bikin. Meclîsa &nbsp;Jinan a Rêxistina HDP’a Wanê, têkildarî hilbijartina herêmî li avahiya partiyê civîna çapemeniyê li dar xist û gelek jin beşdarî civînê bûn. Hevseroka DBP’ê ya Wanê Aynûr Tarhan, di civînê de axivî û bal kişand ser çalakiya greva birçîbûnê ya Hevseroka KCD’ê û Parlementera HDP’ê ya Colemêrgê Leyla Guven.&nbsp;

	&nbsp;

	Tarhan çalakiya Guven silav kir û wiha got: “Her roja diçe em nêzî pêvajoya hilbijartina herêmî ya 31’ê Adarê dibin. Em dixwazin hemû jin xwedî vîna xwe derbikevin. Di hilbijartina &nbsp;herêmî ya sala 2014’an de me ji 14 şaredariyên Wanê, 12 jê qezenc kirin. Lê qeyûm tayînê şaredariyê me kirin. Ji bo vale derxstina pergala qeyûman û li bajêr bilindkirina têkoşîna jinan, em bang &nbsp;li hemû jinan dikin ku werin bibin namzetê HDP’ê.”

	&nbsp;

	'BILA QEYÛM BI DESTÊN JINAN HERIN’

	&nbsp;

	Hevseroka HDP’ê ya Bajêr Yadîşer Karabûlak jî axivî û wiha got: “Ez bang li jinên wanî dikim, werin ji bo namzetiya HDP’ê serlêdan bikin. Em dixwazin li Wanê bi sedan jin bên serlêdan bikin. Bila qeyûm bi destên jinan herin.”

	&nbsp;

	Piştî axaftina Karabûlak, daxuyanî bi berzkirina dirûşmeya “Jin jiyan azadî” û tilîliyan bi dawî bû.

	&nbsp;