
Der barê jinên ku di 8'ê Adarê de stran gotin de doz hat vekirin

2024-06-02 09:01:59


	&nbsp;

	SÊRT - Der barê hunermendên ku li Sêrtê di çarçoveya 8'ê Adarê de stran gotin û Dayika Aştiyê ya ku axivî de bi îdiaya "propagandaya rêxistinê" doz hat vekirin.&nbsp;

	&nbsp;

	Serdozgeriya Komarê ya Sêrtê, der barê hunermend Fatma Dayan, Gulistan Dayan, Kader Kiliç, Nalîn Gokçen û Servet Ervan de ku di çalakiya 8'ê Adarê Roja Jinan de derketin ser dikê û stran gotin û der barê Dayika Aştiyê Ayşe Taşiyê de ku di çalakiyê de axivî, bi îdiaya "propagandaya rêxistinê" doz vekir.&nbsp;

	&nbsp;

	Îdianameya hat amadekirin ji aliyê 2'yemîn Dadgeha Cezayê Giran a Sêrtê ve hat qebûlkirin.&nbsp;

	&nbsp;

	Îdianame ji 5 rûpelan pêk tê. 2 rûpelên wê ji bo PKK'ê hatiye veqetandin. Di îdianameyê de hat îdiakirin ku Dayika Aştiyê Ayşe Taşçiyê ku xîtabî kesên li qadê kir propagandaya rêxistinê kiriye û hunermendan jî stranên pesindayina rêxistinê gotine.&nbsp;

	&nbsp;

	Di îdianameyê de hat xwestin ku li her 6 kesan ji salekê heya 5 salan ceza bê birîn. &nbsp;

	&nbsp;