
Jinên Botanê ji Ocalan re gore û lîf rêsandin 

2023-12-11 16:04:37


	&nbsp;

	ŞIRNEX- Jinên Botanê ji bo ku balê bikişînin ser tecrìda li Îmraliyê ji Rêberê PKK’ê Abdullah Ocalan re gore û lîf rêsandin.

	&nbsp;

	Li navçeya Cizîr a Şirnexê Tevgera Jinên Azad (TJA) ji bo ku balê bikşîne ser tecrîda girankirî ya li ser Rêberê PKK’ê Abdullah Ocalan û grevên birçîbûnê yè ku li girtîgehan hatine destpêkirin, li avahiya Partiya Wekhevî û Demokrasiyê ya Gelan (DEM Partî) kom bû. Jinên ku kombûn ji Rêberê PKK’ê Abdullah Ocalan re gore, lîf û falîne rêsandin.&nbsp;

	&nbsp;

	Di bernameya jinan de hevseroka DEM Partiyê ya Cizîrê Deniz Yildirim axivî. Yildirimê diyar kir ku rabûna li ber tecrîdê erkeke mirovahiyê ye û daxwaz kir ku her kes li dijî tecrîdê dengê xwe bilind bike.&nbsp;

	&nbsp;

	Piştî axiftinan jinan bi kilam û dirûşmeyên “Bijî berxwedana zindanan” çalakiya ku girtiyan daye destpêkirin silav kir. Bername bi rêsandina gore û lîfan berdewam kir.&nbsp;

	&nbsp;

	Li Şirnexê jî jinên ku kom bûn li avahiya DEP’ê ji Rêberê PKK Abdullah Ocalan re gore çêkirin. Gore,lîf û fanîlên ku tên çêkirin dê bi rêya şandeya ku diçe Gemlîkê re jî Ocalan re bên şandin.

	&nbsp;