
Dayikan 4’ê Nîsanê pîroz kirin 

2023-04-04 12:16:17


	&nbsp;

	STENBOL - Li Stenbolê ji dayikên ku rojbûna Rêberê PKK’ê Abdullah Ocalan pîroz kirin 4 hatin binçavkirin.&nbsp;

	&nbsp;

	Li Taxa Kanarya ya navçeya Kuçukçekmece ya Stenbolê 74’emîn rojbûna Rêberê PKK’ê Abdullah Ocalan, bi avêtina gulan a behrê hate pîrozkirin. Dayikên Aştiyê û dayikên ji bo girtiyên nexweş Nobeta Edaletê dabûn destpêkirin di pêşengtiya Komeleya Piştevanî û Alîkariye ya bi Malbatên Xizmên Xwe Windakirine re ya Anatoliyayê (ANYAKAY-DER) hatin bahev. Dayikan li ber peravê meşiyan dirûşmeyên “Bijî Serok Apo” berzkirin.&nbsp;

	&nbsp;

	4 KES HATIN BINÇAVKIRIN

	&nbsp;

	Jinên ku pişt re li ber peravê gul avêtin behrê, dema aktîvîteya xwe bi dawî kirin rastî êrişa polîsan hatin. 4 jin hatin binçavkirin.&nbsp;

	&nbsp;

	Polîsan her wiha hewl dan nûçegihanê Ajansa Mezopotamyayê (MA) Zana Kaya û nûçegihanên JINNEWS’ê Rozerîn Gultekîn û Elfazî Toral ên nûçe dişopandin asteng bikin. Her wiha rojnamevan rastî heqaretên polîsan hatin.&nbsp;

	&nbsp;

	&nbsp;

	&nbsp;