
Zilamê tundiyê li jinekê dikir hat girtin 

2021-04-16 10:03:16


	EDENE - Li Edeneyê piştî dîmenên tundiyê li ser medya civakî hatin parvekirin, kesê tundiyê dikir Zulkuf Coşkûn ku hatibû binçavkirin ji sûcê “birîndarkirina bi qestî” hat girtin.&nbsp;

	Bikarhenerek Twitterê bi navê "Arshin Fozi Jookandan" vîdeoyek tundiya li jinekê dihat kirin belav kiribûn û di twîtê de wiha nivîsandibû: “Li Edeneyê ez û dayika xwe 2 sal in bi tundiyê û gefan re rûbirû dimînin. Em ji jiyana xwe bi fikar in. Ji kerema xwe alîkariya me bikin.” &nbsp;Hat zanîn ku jina ku di vîdeoyê de bi tundiyê re rûbirû maye Galavizh Ayoubi Amirabad e û ji Îranê ye û kesê tundiyê jî dikir Zulkuf Coşkûn bû. Bûyer li taxa Atakent a navçeya Yuregîra Edeneyê di 14’ê nîsanê de qewimî ye. Piştî ev dîmen li ser medya civakî hatin belavkirin, kesê tundiyê dike Zulkuf Coşkûn hat binçavkirin û ji aliyê Dadgeha Edeneyê ve ji sûcê “birîndarkirina bi qestî” hat girtin.

	&nbsp;

	Ev kesê tundiyê dike di vîdeoyê de dibêje “Jixwe ez ê tenê 3-5 mehan ceza bigirim” û heqaretê dike.&nbsp;

	&nbsp;

	&nbsp;