
Danişîna Emîne Şenyaşarê hate taloqkirin 

2024-11-26 14:43:21


	&nbsp;

	RIHA - Danişîna doza Emîne Şenyaşar ku bi îdiaya “saziyên dewletê biçûk xistiye” hatibû vekirin, bi hinceta ewraqên kêm hate taloqkirin.&nbsp;

	&nbsp;

	Di 14’ê hezîrana 2018’an de xizm û parastvanên Parlamenterê AKP’ê yê &nbsp;Rihayê yê berê Îbrahîm Halîl Yildiz li Pirsûsê hevjîn û du kurên Emîne Şenyaşar qetil kiribûn. Derheqê Emîne Şenyaşarê de bi îdiaya “saziyên dewletê biçûk xistiye” doz hatibû vekirin. 4’emîn danişîna dozê li 4’emîn dadgeha Cezayên Giştî ya Rihayê hate lidarxistin.&nbsp;

	&nbsp;

	Emîne Şenyaşar tev li danişînê nebû lê parêzerên wê amade bûn. Danişîn bi tespîtkirina nasnameyê dest pê kir û piştre ewraqên li dosyayê hatine zêdekirin hatin xwendin. Parêzer Ayşe Şehrîban Demîrel da zanîn ku doz bi hinceta gotinên Emîne Şenyaşar a di roja 24’emîn a Nobeta Edaletê de hatiye vekirin û daxwaza beraetê kir.&nbsp;

	&nbsp;

	Şandeya dadgehê, danişîn bi daxwaza temamkirina ewraqên kêm taloqî 10’ê tîrmeha 2025’ê kir.&nbsp;

	&nbsp;