
MYK’a DEM Partiyê dê bi rojeva tecrîd û qeyûm bicive 

2024-11-21 10:13:41


	&nbsp;

	ENQERE - Endamên MYK’a DEM Partiyê bi mebesta nîqaşkirina stratejiyên nû yên têkildarî tecrîda li Îmraliyê dê bicive. Yek ji mijarên di rojevê de jî mitîngeke mezin a li dijî qeyûman e.&nbsp;

	&nbsp;

	Lijneya Rêveberiya Navendî (MYK) a Partiya Wekhevî û Demokrasiyê ya Gelan (DEM Partî) bi boneya nirxandina mijarên di rojevê de dê saet di 10.00’ê de bicive. Hevserokên Giştî Tulay Hatîmogûllari û Tuncer Bakirhan dê serokatiya civînê bikin. Rojevên esasî yên civînê jî tecrîda li Îmraliyê, pirsgirêka kurd û tayînkirina qeyûman e.&nbsp;

	&nbsp;

	DÊ STRATEJIYÊN NÛ BÊN NÎQAŞKIRIN

	&nbsp;

	Rojeva sereke ya civîna MYK’ê tecrîda li ser Rêberê PKK’ê Abdullah Ocalan û çareseriya pirsgirêka kurd e. Dê ji bo rakirina tecrîdê stratejiyên nû bên nîqaşkirin.&nbsp;

	&nbsp;

	DIBE KU BIRYARA MITÎNGÊ WERE DAYIN

	&nbsp;

	Yek ji rojevên din ên civînê jî tayînkirina qeyûman e. MYK, dê li dijî tayînkirina qeyûman planeke çalakiyan a nû pêş bixe. Di vê çarçoveyê de tê gotin ku dibe biryara mitîngeke berfireh were dayin.&nbsp;

	&nbsp;

	Komîsyonên navendî yên partiyê dê hem têkildarî xebatan hem jî têkildarî rojevên heyî agahiyan bide MYK’ê. Di heman demê de dê xebatên rêxistinkirinê û plansazî jî bên nirxandin.&nbsp;

	&nbsp;

	Hevserokên giştî, nûnerên partiyên siyasî û hevserokên giştî dê têkildarî hevdîtinên kirin de agahiyan bidin endamên MYK’ê.&nbsp;

	&nbsp;