
Ji ber ‘Meşa Azadiyê ya Mezin’ doz li 29 kesan hate vekirin  

2024-11-13 09:37:57


	QERS - &nbsp;Derheqê 29 kesên tev li “Meşa Azadiyê ya Mezin” bûn, bi îdiaya “Muxalefeta li dijî qanûna civîn û xwepêşandanan” doz hate vekirin.&nbsp;

	Bi pêşengtiya Kongreya Civaka Demokratîk (KCD), Partiya Herêmên Demokratîk (DBP), Partiya Wekhevî û Demokrasiyê ya Gelan (DEM Partî) û rêxistinên civaka sivîl, di navbera 1-15’ê sibatê de bi daxwaza rakirina tecrîda li Îmraliyê û azadiya fîzîkî ya Rêberê PKK’ê Abdullah Ocalan “Meşa Azadiyê ya Mezin” hatibû lidarxistin.&nbsp;

	&nbsp;

	Derheqê 29 kesên di baskê meşê yê Qersê de cih girtin doz hate vekirin. Serdozgeriya Komarê ya Qersê lêpirsîna xwe ya derheqê 29 kesan de temam kir û bi îdiaya “Muxalefeta li dijî qanûna civîn û xwepêşandanan” îdianame amade kir. Îdianame ji hêla Dadgeha Cezayên Giştî ya Qersê ve hate qebûlkirin.&nbsp;

	&nbsp;

	‘BIRYARA QEDEXEYÊ’ YA WALÎTIYÊ WEKE HINCET HAT NÎŞANDAN&nbsp;

	&nbsp;

	Di îdianameyê de biryara qedexeyê ya walîtiya Qersê ku ji bo rojên meşê ragihandibû weke hincet hate nîşandan. Di îdianameyê de hate gotin ku tevî biryara qedexeyê jî meş hatiye lidarxistin û hat îdiakirin ku dirûşmên hatine berzkirin sûc in.&nbsp;

	&nbsp;

	Danişîna ewil a 29 kesên doz lê hatiye vekirin dê sibe li Dadgeha Cezayên Giştî ya Qersê were lidarxistin.&nbsp;

	&nbsp;