
TFF: Stadyûma Amedsporê ji bo lîstikê û tenduristiya lîstikvanan guncav nîne   

2024-10-16 14:37:13


	&nbsp;

	AMED - Midûriyeta Ewlehiya Stadyûman a TFF’ê diyar kir ku stadyûma Amedê ji bo lîstikê û tenduristiya lîstikvanan guncav nîne û xwest kêmasî bên temamkirin.&nbsp;

	&nbsp;

	Midûriyeta Ewlehiya Stadyûman a Federasyona Fûtbolê ya Tirkiyeyê (TFF) ji bo lêkolînkirina zemînê çîmê yê Stadyûma Amedê komek şand. Di 12’ê cotmehê de bi ekîpmanên navneteweyî û ji hêla pisporan ve lêkolîn hate kirin. Komê, diyar kir ku rewşa fîzîkî ya sehaya lîstikê û tebeqeya herêma kokê ya çîmê guncav nîne lê ji hêla ji hêla binesaziya sehayê û ekîpmanên sebêrkirina sehayê ve guncav e.&nbsp;

	&nbsp;

	Ji Serokatina Kuluba Amedsporê re rapor hate şandin û hat xwestin ku kêmasî bên temamkirin. Di raporê de wiha hate gotin: “Zemîna sehayê bi halê heyî ji bo lîstikê û tenduristiya lîstikvanan xetere ye. Dê federasyona me venêrînan bişopîne û hewceye hemû kêmasî bêyî bên vehêlandin bên temamkirin.”&nbsp;

	&nbsp;

	AMEDSPOR HIŞYAR KIRIBÛ&nbsp;

	&nbsp;

	Amedsporê jî di 19’ê îlonê de daxuyaniyek dabû û gotibû ku Midûriyeta Ciwan û Sporê ya Bajar a Amedê peywira xwe bi cih nayîne. Amedsporê di 22’yê îlonê de derheqê kesên peywira xwe bi cih ne anîn de gilî kiribû.&nbsp;

	&nbsp;