'Kobanê rûmeta me ye'

2024-10-06 13:15:39


	ŞIRNEX - Rêxistina DEM Partiyê, DBP û TJA'yê têkildarî salvegera çalakiyên Kobanê yên 6-8'ê Cotmehê daxuyanî dan û hat destnîşankirin ku Kobanê rûmeta gelê kurd e. 

	 

	Rêxistina DEM Partî û DBP'ê, Tevgera Jinên Azad (TJA) bi boneya salvegera çalakiyên Kobanê yên di 6-8'ê Cotmeha 2014'an de daxuyanî da. Daxuyanî li ber avahiya DEM Partiya Şirnexê pêk hat. Parlamenter Newroz Ûysal Aslan, aktîvîstên TJA'yê, Dayikên Aştiyê û gelek endam û rêveberên partiyan tev li bûn. 

	 

	Di daxuyaniyê de pankarta "Kobanê rûmeta me ye" hat vekirin. Hevserokê DEM Partiya Şirnexê Abdullah Gungen daxuyanî xwend. 

	 

	Daxuyanî wiha ye: 

	 

	"Di 6 - 8'ê Cotmeha 2014'an de li gelek bajaran ji bo şermezarkirina êrîşên çeteyên DAIŞ'ê yên li ser Kobanê û dilsoziya bi gelê Kobanê re çalakî hatin lidarxistin. Lê belê polîsên desthilatdariya AKP-MHP'ê bi tundî mudaxeleyî xwepêşandaran kir, xwest xwepêşandanên aştiyê bitepisîne û di pêşengiya hêzên paramîlîter de lîstikeke bi xwîn da destpêkirin.

	 

	Li dijî gelê me yê ku ji bo şermezarkirina dorpêça çeteyên DAIŞ’ê ya li ser Kobanê, êriş pêk hatin û bi dehan endamên partiya me jiyana xwe ji dest dan û birîndar bûn. Piştre jî daraza desthilatdar bi hinceta çalakiyên 6-8’ê Cotmehê der barê bi sedan rêveber û endamên partiya me de, Hevserokên me yên Giştî Fîgen Yuksekdag û Selahattîn Demîrtaş jî di nav de, doza Komployê vekir û bi sedan sal cezayê girtîgehê li wan birî.

	 

	Di serî de em hevrêyên xwe û endamên partiyê yên ku di çalakiyên 6-8’ê Cotmeha 2014’an de hatin qetilkirin û jiyana xwe ji dest dane bi rêzdarî bibîr tînin. Em li hemberî têkoşîna wan serî ditewînin. Dîsa em di şexsê Fîgen Yuksekdag û Selahattîn Demîrtaş de hemû hevalên xwe yên di Doza Komploya Kobanê de ji helwesta xwe ya bi rûmet tawîz nedane silav dikin û soz didin ku em ê piştgiriyê bidin berxwedan û têkoşînê wan.

	 

	Li Rojava Kurdan û gelên Rojhilata Navîn di hemû qadên jiyanê de, bi taybetî di aliyê siyasî, civakî, aborî û çandî de guhertinên radîkal pêk anîne û di avakirina jiyaneke nû de berbiçav dane avakirin. Li hemberî Şoreşê, Kobanê û gelê ku ji aliyê çeteyên DAIŞ'ê ve tê xwestin bê xeniqandin, êrîşên bênavber hatin destpêkirin. Weke ku dîroka berxwedanê ya li hemberî kesên destekê didin çeteyên DAIŞ’ê, çeteyên mîna DAIŞ’ê û zîhniyeta ku dibêje “Kobanê ket, wê bikeve” li mirovahiyê û gelên Rojhilata Navîn hate bibîranîn.

	 

	Têkoşîna efsanewî ya kesên ku li Kobanê li dijî çeteyên DAIŞ'ê ji bo azadiyê li ber xwe dan, hemû cîhanê îlham girt. Têkoşîna navneteweyî ya li Kobanî li cîhanê belav bûye!

	 

	Li Tirkiye, Ewropa û hemû cîhanê gel ji bo şermezarkirina êrîşên çeteyên DAIŞ’ê yên li hemberî Kobanê li ber xwe da û ji bo bi gelê Kobanê re bibin yek, çalakiyên demokratîk hatin lidarxistin. Di van çalakiyan de bi dehan welatiyên me ji aliyê hêzên ewlekariyê û hin derdorên siyasî ve ji aliyê kesên bi cil û bergên sivîl ve hatin qetilkirin. Ji bo eşkerekirina kiryaran ti gav nehatin avêtin. Dewleta tarî dîsa li zarokên xwe xwedî derket û bûyer hatin nixumandin.

	 

	Bi salan şûnde bi destên celladên talankirî di bin pêşengiya Partiya me û hişmendiya dewleta AKP-MHP’ê de, bêhiqûqiyek ku li cîhanê û di Doza Komploya Kobanê de nehatiye dîtin, hate kirin.

	 

	Çi dibe bila bibe gelê me û gelên Tirkiyeyê wê li hemberî êrîşên Şoreşa Rojava li ber xwe bidin û li dijî êrîşên çeteyên DAIŞ'ê û çeteyên mîna DAIŞ'ê bisekinin. Ti polîtîkayên zext û cehaletê wê nikaribe têkoşîna me ya demokrasiyê têk bibe.

	 

	Li gorî me cezayên ku di Doza Komploya Kobanê de li endam û hevalên me yên partiyê hatine dayîn, ne di çavê me û ne jî li gel ne rewa ye. Em ê nehêlin plana desthilatdariya AKP-MHP’ê, hemû pêkanînên dijhiqûqî yên tifaqa JÎTEM’ê û polîtîkayên şerê taybet ên ku gelê Kurd, sosyalîst, jin û ciwanên Kurd  nas neke pêk were."