
Girtiyê li dijî binpêkirinan di çalakiyê de: Bila malbat li girtîgehê bigerin 

2024-10-01 13:26:38


	&nbsp;

	DÎLOK - Girtî Necdet Ozturk ê li Girtîgeha bi Ewlekariya Bilind a Kirşehîrê tê ragirtin, li dijî binpêkirinan dest bi çalakiyê kiriye. Ozturk, xwest ku malbat têkildarî rewşa girtiyan her tim li girtîgehê bigerin.&nbsp;

	&nbsp;

	Girtiyê bi navê Necdet Ozturk ê li Girtîgeha bi Ewlekariya Bilind a Kirşehîrê tê ragirtin, li dijî binpêkirinan dest bi çalakiyê kiribû. Ozturk, di hevdîtina ser telefonê ya vê hefteyê de têkildarî binpêkirinan bi malbata xwe ya li Dîlokê re axivî.&nbsp;

	&nbsp;

	Ozturk, diyar kir ku nahêlin girtî bên gel hev û bi hev re nabin atolyeyan. Ozturk, destnîşan kir ku ew li dijî binpêkirinan deng derdixînin, dirûşman berz dikin û xwarinê nastînin.&nbsp;

	&nbsp;

	Ozturk xwest ku malbat her tim li girtîgehê bigerin û têkildarî rewşa girtiyan agahiyan bigirin. Ozturk, wiha bi dawî kir: “Bila bibêjin em rewşa girtiyan mereq dikin û heke tiştek bi serê girtiyan were dê berpirsyar rêveberiya girtîgehê ye.”&nbsp;

	&nbsp;