
Ji bo 17 bajaran hişyariya barîna zêde hate kirin 

2024-10-01 09:47:38


	&nbsp;

	NAVENDA NÛÇEYAN - Midûriyeta Giştî ya Meteorolojiyê ji bo 14 bajaran bi koda zer û ji bo 3 bajaran jî bi koda pirteqalî hişyariya barîna zêde kir.&nbsp;

	&nbsp;

	Midûriyeta Giştî ya Meteorolojiyê rapora xwe ya rewşa hewayî ya 1’ê cotmehê weşand. Li gorî raporê; dê bakur û rojavayê herêma Serhedê, Bedlîs, Mûş, Çewlik, Semsûr, Amed, bakurê rojhilatê Herêma Marmarayê, rojhilatê Behra Spî û li Behra Reş barîneke zêde bibare. Meteorolojiyê ji bo 14 bajaran bi koda zer û ji bo 3 bajaran jî bi koda pirteqalî hişyariya barîna zêde kir.&nbsp;

	&nbsp;

	Meteorolojiyê bajarên Wan, Agirî, Erdexan, Colemêrg, Mûş, Çewlik, Bedlîs, Erzirom, Îdir, Qers, Sinop, Karabuk, Bolu û Duzce bi koda zer hişyar kir.&nbsp;

	&nbsp;

	Her wiha bajarên Bartin, Kastamonu û Zonguldakê jî bi kod pirteqalî hatin hişyarkirin.&nbsp;

	&nbsp;

	HIŞYARIYA BI KODA ZER ÇI YE?&nbsp;

	&nbsp;

	Potansiyela rewşa hewayî xetere ye. Her çend ku bûyerên meteorolojîk ên tên texmînkirin ne derasayî be jî, divê li hemberî mercên meteorolojîk gel bi hişyarî tevbigere.&nbsp;

	&nbsp;

	HIŞYARIYA BI KODA PIRTEQALÎ ÇI YE?

	&nbsp;

	Rewşa hewayî xetere ye. Bûyera meteorolojîk a tê texmînkirin kêm caran çêdibe. Îxtîmaleke mezin dê rê li ber xisar û windahiyan veke. Divê tevdîr baş bên girtin û merc û texmînên meteorolojîk baş bên şopandin.&nbsp;

	&nbsp;