
Mafê hevdîtinê yê Zeynep Celaliyan hate qedexekirin 

2024-09-30 11:07:01


	&nbsp;

	NAVENDA NÛÇEYAN - Mafê hevdîtina bi malbatê re yê girtiya siyasî ya kurd Zeynep Celaliyan hate qedexekirin.&nbsp;

	&nbsp;

	Girtiya siyasî ya kurd Zeynep Celaliyan ku 17 sal in li Îranê girtî ye û cezayê girtîgehê yê heta bi hetayê lê hatiye birîn, bi fermana Wezareta Enformasyonê mafê wê yê ku malbat serdana wê bike hate redkirin. Zeynep Celaliyan ku beriya 4 salan li Girtîgeha Yezdê hate bicihkirin, tenê carekê karîbû malbata xwe bibîne.

	&nbsp;

	Li gorî Tora Mafên Mirovan a Kurdistanê, Zeynep Celaliyan destpêka hefteyê ji bo dîtina malbata xwe daxwaz kir lê belê rayedarên girtîgehê ragihand ku bi fermana Wezareta Enformasyonê serdan hatiye qedexekirin. Malbata Celaliyan ku ji bo dîtina keça xwe ji Makû çû Yezdê bêyî ku serdanê bike vegeriya.

	&nbsp;

	Zeynep Celaliyan ku hefteya derbasbûyî rakirin nexweşxaneyê, li gel îtirazan jî dermankirina bi kelepçeyan lê hate ferzkirin, ji ber ku li ber vê yekê rabû, nehate dermankirin.

	&nbsp;