
Cezayê qedexeya hevdîtinê dan girtiya cezayê îdamê protesto kirî 

2024-09-29 12:20:28


	NAVENDA NÛÇEYAN - Rejîma Îranê bi hinceta protestokirina cezayê îdamê 3 meh cezayê qedexeya hevdîtinê da Anîşa Eshadullahî.&nbsp;

	Zext û zordariya rejîma Îranê ya li dijî girtiyên siyasî, welatî, aktîvîst û jinan didome. Li gorî nûçeya medyaya Rojhilat; li mamoste û aktîvîst Anîşa Eshedullahî ya li Girtîgeha Evînê tê ragirtin 3 meh cezayê qedexeya hevdîtina bi malbatê re hate birîn. Hat zanîn ku Eshedullahî, cezayê îdamê yê li Pexşan Ezîzî û Şerîfe Muhammedî protesto kir û cezayê qedexeyê bi vê sedemê hatiye dayin.&nbsp;

	&nbsp;

	Di demê berê de jî ji ber protestokirina darvekirina Reza Resaî cezayê qedexeya axaftina li ser telefonê ya ji bo mehekê li Eshedullahî hatibû birîn.&nbsp;

	&nbsp;

	5 SAL Û 8 MEH CEZAYÊ HEFSÊ HATE BIRÎN

	&nbsp;

	Eshedullahî, di nîsana 2023’yan di encama serdegirtina mala aktîvîstê sendîkaya mamosteyan Muhammed Habîbî de hate binçavkirin. Derheqê wê de biryara girtinê hate dayin û şandin Girtîgeha Evînê. Di 8’ê gulana heman salê de bi kefaletê hate berdan. Lê belê Şaxa 26’an a Dadgeha Şoreşê ya Tehranê derheqê Eshedullahî de bi îdiaya “Civîn û komplo” 5 sal cezayê hefsê û bi îdiaya “Propagandaya li dijî dewletê” jî 8 meh cezayê hefsê da.&nbsp;

	&nbsp;