
Bombarana Îsraîlê ya li ser Lubnanê didome: Nêzî 500 kesî mirin

2024-09-24 12:00:14


	&nbsp;

	NAVENDA NÛÇEYAN - Di daxuyaniya sibeha sêşemê ya artêşa Îsraîlê de hate ragihandin ku roja duşemê li Lubnanê li nêzî hezar û 600 hedefan hatiye xistin û bi şev li dehan hedefên Hîzbûllahê hatiye xistin. Heta niha nêzî 500 kesî li Lubnanê hatin kuştin.

	&nbsp;

	Êrişên Artêşa Îsraîlê yên li dijî Lubnanê berdewam dikin. Artêşa Îsraîlê daxuyaniyek da û got: "Di şeva duşemê de artêşê li dehan hedefên Hîzbûllahê yên li gelek herêmên li başûrê Lubnanê xist." Hate ragihandin ku roja duşemê nava rojê jî li hezar û 600 hedefan hate xistin. Bîlançoya van êrişan hîn nehatiye eşkerekirin.

	&nbsp;

	Hîzbûllahê jî ragihand ku nîvê şevê saet di navbera 03:30 û 04:00'an de 6 caran êriş bir ser çeperên Îsraîlê yên li Afula û Megiddoyê ku bi dehan kîlometre dûrî sînorê Lubnanê ne.

	&nbsp;

	LI LUBNANÊ 'FERMANDARÊ QADÊ' YÊ HAMASÊ HATE KUŞTIN

	&nbsp;

	Hamasê şeva duşemê daxuyaniyek da û diyar kir ku di êrişên li ser Başûr û Bekaayê de yek ji "fermandarên qadê" yên li Lubnanê hatiye kuştin. Di daxuyaniyê de hate gotin: "Fermandarê qadê yê Tûgayên El Qasim ku baskê leşkerî yê komê ye Huseyîn Mahmûd Nader di êrîşa 'bêrehm' a hêzên hewayî yên Îsraîlê yên li ser Lubnanê de, bi 'operasyona sûîqestê' hate kuştin."

	&nbsp;

	LI LUBNANÊ 492 KES MIRIN, 35 JI WAN ZAROK BÛN

	&nbsp;

	Wezareta Tenduristiyê ya Lubnanê nîvê şevê hejmarên demkî yên dawî ragihand û diyar kir ku di êrîşên Îsraîlê de yên roja duşemê 492 kes hatin kuştin ku 35 ji wan zarok, 58 jî jin bûn. Hate ragihandin ku hezar û 645 kes jî birîndar bûn e.&nbsp;

	&nbsp;