
Bavê Jîna Emînî: Em ê keça xwe bi merasîmekê bibîrbînin

2024-09-13 15:55:34


	NAVENDA NÛÇEYAN - Bavê Jîna Emînî, Emced Emînî ragihand ku mafê wan e ku her sal bi merasîmekê li gorî kevneşopî û rêgezên olî keça xwe bibîrbînin.&nbsp;

	&nbsp;

	Salvegera qetilkirina Jîna Emînî û destpêkirina serhildana "Jin jiyan azadî" ya 16’ê Îlona sala 2022’yan ku li seranserê cîhanê belav bûbû, nêz dibe. Di vê çarçoveyê de bangên ji bo grevên giştî û çalakiyên bi boneya 2’yemîn salvegera bîranîna Jînayê berdewam dikin.

	&nbsp;

	Bavê Jîna Emînî, Emced Emînî têkildarî lidarxistina merasîma duyemîn salvegera qetilkirina keça xwe ji aliyê rejîma Îranê ve, ji bo Radiyoya Ferda axivî.

	&nbsp;

	Emced Emînî ragihand ku ger hikûmeta Îranê wek sala borî zorî û astengî dernexîne, li ser pêşniyarên gel wê roja yekşemê (15’ê Îlonê) merasîma salvegera qetilkirina keça xwe li dar bixin.

	&nbsp;

	Emced Emînî wiha got: “Em malbata Jîna Emînî, wek her malbateke Îranî ya dilgiran, hez ji kesûkarên xwe yên koçkirî dikin û mafê me heye ku merasîmên li gorî kevneşopî û bîranînên olî yên salane ji bo keça xwe lidarbixin.”

	&nbsp;

	Hêjayî gotinêye ku sala borî rejîma Îranê bi armanca rêgirîkirina merasîma bîranînê ya Jîna Emînî, hemû rêyên diçin Goristana Ayiç ya li Seqîz ku gora Jîna Emînî lêye, girtibû.

	&nbsp;