Gundên Binarê Qendîlê bi balafirên şer hatin bombebarankirin 

2024-09-09 13:06:18


	 

	NAVENDA NÛÇEYAN - Balafirên şer ên dewleta tirk gundên Binarê Qendîlê bombebaran kirin. 

	 

	Balafirên şer ên dewleta tirk gundên Binarê Qendîlê yên Herêma Federe ya Kurdistanê bombebaran kirin. 

	 

	Li gorî nûçeya Rojnewsê; balafirên şer ên dewleta tirk di danê sibehê de gundên Suredê, Enzê û Kirmesuyê yên Binarê Qendîlê bombebaran kirin. 

	 

	Hevşaredarê Binarê Qendîlê Serwîn Celal têkildarî mijarê ev agahî da: “Îro di danê sibehê de gundên Binarê Qendîlê zêdetirî 10 caran hatin bombebarankirin. Ji ber êrişan ziyaneke mezin gihişt derdora herêmê. Liv û tevgera balafirên şer ên li ser herêmê didome.”