
Li Heskîfê jiyana kosiyên Firatê jî di xetereyê de ye 

2020-05-09 09:04:16


	&nbsp;

	ÊLIH - Kosiyên Firatê ku di Çemê Dîcle û Firatê de dijîn, piştî çend salan li Heskîfê jî hatin dîtin.&nbsp;

	&nbsp;

	Kosiyê Firatê ku nesla wê li ber tunebûnê ye û di çemê Dîcle û Firatê de tê dîtin, piştî salan li Heskîfê jî hat dîtin. Kosiyê Firatê ji malbata Trionychidae ye. Di avên şîrînde dijî û zivistanan jî ji bo germa laşê xwe biparêze xwe dixe bin heriyê. Biharê jî dertê ser avê û li qeraxan bi saetan li ber tavê enerjiyê depo dike.&nbsp;

	&nbsp;

	Mirovên zanyar dibêjin ji ber mirovan li avên şîrîn qada jiyanê ya van kosiyan jî hatiye tengkirin û bi bendavan qadên wan ên jiyanê jî di talûkeyê de ne. Li Heskîfê jî kosiyên ku qadên wan ê jiyanê di bin avê de mane, bi taybetî jî ji bo germa laşê xwe cihekî ku lê xwe bidin ber tavê nemaye.&nbsp;

	&nbsp;

	Her wiha ev kosî nikarin di avên kûr de bijîn û nikarin nêçîrê bikin û xwe xwedî bikin. Piştî bendavê aqûbeta wan jî bûye cihê meraqê.&nbsp;

	&nbsp;

	MA / Metîn Yoksû &nbsp;

	&nbsp;