
Li Şirnexê dîmenên nû yên talankirina daran: Darek jî nehatiye hiştin 

2022-07-23 14:11:42


	&nbsp;

	ŞIRNEX - Li Herêma Bestayê dîmenên nû yên birîna daran ku bi destê cerdevanan di çavdêriya leşkeran de pêk tê, derketin holê. Di dîmenan de bê ka talankirina çawa tê kirin xuya dike.&nbsp;

	&nbsp;

	Li Çiyayê Cûdî û Gabarê û li Herêma Bestayê yên Şirnexê du sal in bi destê cerdevanan di çavdêriya leşkeran de dar tên birîn. Li Bestayê bi deh hezaran dar ji aliyê cerdevanan ve hatin birîn û talankirin.&nbsp;

	&nbsp;

	Di dîmenên nû yên gihîştin ber destan de, li deverên Mila Kêrî, Kaniya Qeymeqam, qeraxên ava Rûsorê û Pişta Reşa yên bi ser navenda Şirnexê ve tê dîtin ku bi deh hezaran dar hatine birîn û li TIR’an hatine barkirin.&nbsp;

	&nbsp;

	

	&nbsp;

	LI QADÊ DAR NEMANE&nbsp;

	&nbsp;

	Di dîmenan de tê xuyakirin ku qada daristanê bêdar maye û bi hezaran ton dar li erdê hatine raxistin. Darên ku hatine birîn li TIR’an hatine barkirin û ev yek pîvana talankirinê bê ka çawa ye dide nîşandan.&nbsp;

	&nbsp;

	Darên tên birîn dibin li bajarên cuda difiroşin û balkêşe ku hin kes jî daran difiroşin.&nbsp;

	&nbsp;

	MIDÛR SERDANA WALÎ KIR&nbsp;

	&nbsp;

	Balkêşe ku di demek wiha dar tên talankirin de Midûrê Daristanê yê Herêma Rihayê Mehmet Zekî Bayici duh serdana Waliyê Şirnexê kiriye.&nbsp;

	&nbsp;