
Îranê pêşniyara Mutabaqata Edeneyê li Tirkiyeyê kir

2019-10-08 11:12:13


	&nbsp;

	NAVENDA NÛÇEYAN - Wezîrê Karên Derve yê Îranê Cevad Zarîf diyar kir ku li hemberî liv û tevgereke leşkerî ya Tirkiyeyê ya li hemberî Bakur û Rojhilatê Sûriyeyê ne û pêşniyara Mutabaqata Edeneyê li Tirkiyeyê kir

	&nbsp;

	Ji aliyê Wezareta Karên Derve ya Îranê ve hat ragihandin ku Wezîrê Karên Derve yê Îranê Cevad Zarîf û Wezîrê Karên Derve yê Tirkiyeyê Mevlûd Çavûşoglû bi rêya telefonê, ji bo nirxandin rewşa dawîn a operasyona li hemberî Bakur û Rojhilatê Sûriyeyê hevdîtinek kirine.&nbsp;

	&nbsp;

	Di daxuyaniyê de hat ragihandin ku di hevdîtinê de Çavûşoglû destnîşan kiriye ku dê ji yekparebûna Sûriyeyê re rêz bigirin û operasyon demkî be.&nbsp;

	&nbsp;

	Di daxuyaniyê de têkilarî helwesta Îranê ya ji bo operasyonê jî hat diyarkirin ku Zarîf ji Çavûşoglû re gotiye ku ew li dijî operasyona leşkerî ne û xwestiye ku ji yekparebûna Sûriyeyê re rêz bigire.&nbsp;

	&nbsp;

	Her wiha hat destnîşan kirin ku Zarîf têkildarî geşedanên dawîn ên di navbera Tirkiye û Sûriyeyê de pêşniyara Mutabaqata Edeneyê li Çavûşoglû kiriye.&nbsp;

	&nbsp;