
Li DYA’yê êrişa çekdarî: Herî kêm 22 kes hatin kuştin 

2023-10-26 11:05:27


	&nbsp;

	NAVENDA NÛÇEYAN - Li eyaleta Maîne ya DYA’yê êrişa çekdarî hate kirin. Di encama êrişê de herî kêm 22 kesan jiyana xwe ji dest dan.&nbsp;

	&nbsp;

	Li navçeya Lewiston a Eyaleta Maîne ya DYA’yê êrişa çekdarî hate kirin. Di encama êrişê de herî kêm 22 kesan jiyana xwe ji dest dan û bi dehan kes jî birîndar bûn. Hat zanîn ku êrişkarê biçek ê bi navê Robert R. Card ê 40 salî, di tevahiya şevê de li kolanan geriyaye û herî kêm 22 kes kuştiye. Çapemeniya herêmî da zanîn ku derdora 60 kesan jî birîndar bûne.&nbsp;

	&nbsp;

	HIŞYARIYA ‘JI MALÊ DERNEKEVIN’&nbsp;

	&nbsp;

	Polîsan, ragihandin ku êrişkar hêj nehatiye girtin û ev hişyarî da: “Fermana derneketina ji malan a li Lewistonê hêj didome.”&nbsp;

	&nbsp;

	Waliyê Eyaleta Maîneyê Janet Mills jî ev tişt anî ziman: “Haya min ji êrişkarê biçek ê çalak ê li Lewistonê heye. Di vê mijarê de hatim agahdarkirin. Banga min ji bo her kesê li herêmê ew e ku li gorî fermanên hêzên eyalet û ewlekariyê tevbigerin.”&nbsp;

	&nbsp;

	DIBISTAN GIRTÎ NE&nbsp;

	&nbsp;

	Yekitiya dibistanên dewletê yên li eyaletê jî ragihand ku navber dane perwerdeyê. Her wiha ji bo ji malên xwe dernekevin, welatî hişyar kir.&nbsp;

	&nbsp;

	Hêjayî bibîrxistinê ye ku par jî 29 cînayet li eyaletê hatibûn kirin û vê bûyerê rê li ber aloziyeke mezin vekiriye.&nbsp;

	&nbsp;