
Di şerê Îsraîl-Filistînê de hejmara miriyan derket 2 hezar û 150 kesan 

2023-10-11 12:15:06


	NAVENDA NÛÇEYAN - Di şerê di navbera Îsraîl û Filistînê de ku piştî êrişên Hamasê yên li dijî Îsraîlê dest pê kiribû, hejmara miriyan a her du aliyan derket 2 hezar û 150 kesan.&nbsp;

	&nbsp;

	Hamasê li dijî Îsraîlê bi navê “Tofana Aksayê” pêla êrişê dabû destpêkirin. Piştî êrişê, di navbera Îsraîl û Filistînê de pevçûnên dijwar diqewimin û bombebaraneke giran tê kirin. Di encama êrişên Îsraîlê de heta niha herî kêm 950 kesan jiyana xwe ji dest dane. Di êrişên Hamasê de jî hejmara miriyan derket hezar û 200 kesan. Hat ragihandin ku mala malbata pêşengê Tugayên Kassamê Muhammed Deyf hatiye bombebarankirin û endamên malbatê hatine kuştin.&nbsp;

	&nbsp;

	GAZE: HERÎ KÊM 950 KES HATIN KUŞTIN

	&nbsp;

	Wezareta Tenduristiyê ya Gazeyê têkildarî êrişan daxuyaniyeke nivîskî weşand û got ku ji 7’ê cotmehê heta niha di encama êrişên Îsraîlê yên li dijî Gazeyê de 950 kesan jiyana xwe ji dest dane û 5 hezar kes jî birîndar bûne.&nbsp;

	&nbsp;

	Rojnameya Israel Hayomê jî destnîşan kir ku hezar kesên ketine Gazeyê hatine kuştin.&nbsp;

	&nbsp;

	LI ÎSRAÎLÊ HEJMAR DERKET HEZAR Û 200 KESAN

	&nbsp;

	Hejmara miriyan a li Îsraîlê zêde bû û derket hezar û 200 kesan. Berdevkê Hêzên Parastinê ya Îsraîlê Mîralay Jonathan Cornicus piştrast kir ku di êrişan de hezar û 200 kesan jiyana xwe ji dest dane. Conricus, got; “Gelemperiya kesên jiyana xwe ji dest dane sivîl in.”&nbsp;

	&nbsp;

	DÊ SANTRALA CEYRANÊ XEBATÊN XWE BIDE SEKINANDIN&nbsp;

	&nbsp;

	Serokê Lijneya Enerjiyê ya Gazeyê Celal Îsmaîl da zanîn ku dê tekane santrala ceyranê ya Gazeyê di nava sê saetan de xebatên xwe bide sekinandin.&nbsp;

	&nbsp;