
Li kolanên Strasbourgê bertek nîşanî komkujiya Parîsê dan 

2022-12-29 15:57:19


	NAVENDA NÛÇEYAN - Jinan, ji duh ve li gelek kolanên bajarê Strasbourgê pankartên “Ji bo kurdan edalet” û “Biji Kurdistan" daliqandin û li ser dîwaran nivîs nivîsandin.&nbsp;

	&nbsp;

	Bertekên li dijî qetilkirina Endama Rêveber a Konseya Rêveber a KCK’ê Emîne Kara (Evîn Goyî), hunermend Mîr Perwer (Mehmet Şîrîn Aydin) û Abdurrahman Kizil li paytexta Fransayê Parîsê, didomin.&nbsp;

	&nbsp;

	'BIJÎ KURDISTAN’&nbsp;

	&nbsp;

	Li gelek bajarên Ewropayê çalakiyên protestokirinê tên lidarxistin. Komeke ji jinên kurd û anarşîst pêk dihat, şevê din li gelek noqteyên bajarê Strasbourgê pankart û afîş daliqandin û li ser dîwaran nivîs nivîsandin. Xebata daliqandina pankart û afîşan û nivîsandina nivîsên li ser dîwaran îro jî dom kir.&nbsp;

	&nbsp;

	Di pankart û nivîsên li ser dîwaran de nivîsên weke “Ji bo kurdan edalet”, “Bijî Kurdistan”, “Sûriye Iraq Tirkiye Fransa komploger in”, “Li Rojava û Fransayê faşîzmê bişewitînin” û “Faşîst kujer in” hebûn.&nbsp;

	&nbsp;