Macron: Divê operasyona Tirkiye nebe dagirkeriya Efrînê

2018-01-31 12:58:31


	 

	NAVENDA NÛÇEYAN - Serokomarê Fransayê Emmanuel Macron, Tirkiye der barê Efrînê de hişyar kir û xwest operasyona li ser Efrînê nebe dagirkeriya Efrînê.

	 

	Operasyona TSK-OSO ya li ser Efrînê ku di 20'ê Çile de hat destpêkirin di roja 12'an de didome. Li gorî rapora Heyva Sor a Kurdistanê li Efrînê di êrîşan de 20 jê zarok 65 welatiyên sivîl hatin kuştin. 62 zarok 163 sivîl jî birîndar bûn. Serokomarê Fransayê Emmanuel Macron, têkildarî operasyona li ser Efrînê hikûmeta Tirkiye hişyar kir û xwest operasyon venegere dagirkeriyê. Marcon ji Rojnameya Le Figaro re axivî û got: "Divê operasyon bi têkoşîna bi terorê re bi sînor bimîne. Dîsa divê ev tevger bi muttefikên Rojavayî re bi awayekî koordinasyon bê meşandin."