
Şanoya Bajêr a Amedê bi berhemên Arîstofanes û Darîo Fo tên

2017-09-26 09:16:46


	AMED - Şanoya Bajêr a Amedê di sezona nû de dê bi berhemên nivîskarê qerfî yê navdar Arîstofanes û nivîskarê lîstikan ê îtalî Darîo Fo, di 29'ê Îlonê de dest pê bike.

	Şanogerên kurd ên bi salan li Amedê di bin banê Şaredariya Bajarê Mezin a Amedê de xebatên xwe meşandin, piştî qeyûm tayînê şaredariyê kirin, peymana bi qeyûm re betal kirin û Şanoya Bajar a Amedê ava kirin. Şanogeran ji bo serdema nû zend û bendên xwe badan, dê di 29'ê Îlonê de bi lîstikên nivîskarên yewnan û îtalî dest bi xebata xwe bikin. Lîstikên ku wergerî kurdî hatine kirin, dîsa lîstikên ji bo zarokan jî dê pêşkêşî gel bikin.&nbsp;

	&nbsp;

	DI SERDEMA NÛ DE ÇI HEYE?

	&nbsp;

	Şanoya bajêr dê di 29'ê Îlonê de deriyê xwe ji temaşevanan re veke, di 6'ê Cotmehê de dê bi lîstika Arîstofanes ya Berî Zayînê (BZ) 442'yan de nivîsiye û pergalê rexne dike, bi gel re parve bikin. Lîstika bi navê "Mozên Keran" wergerî kurdî hatiye kirin û balê dikişîne ser desthilatdarî û edaletê ya serdema Yewnana Antîk. Dîsa lîstika Darîo Fo ya bi navê "Em nadin em ê nedin" jî wergerî kurdî hatiye kirin, dê ji temaşevanan re bê parvekirin.

	&nbsp;

	Di serdema nû de tişta balkêş lîstikên zarokan e, dîsa atolyeyên drama û hunerî jî derdikevin pêş. Şanoger û derhêner Nazim Hîkmet Çalişkan û lîstikvan Kemal Ulusoy der barê serdema nû de agahî dan.

	&nbsp;

	DAWIYA DAWÎ Û QIRIX DÎSA LI SER DIKÊ NE

	&nbsp;

	Lîstikvan Kemal Ulusoy da zanîn ku di serdema nû de ew ê bi fikir û çalakiyên nû li pêşberî gel bin, dê hem li welat û hem jî li derveyê welat, turneyên nû li dar bixin. Ulusoy diyar kir ku wan bi Stand Up a "Dawiya Dawî" hem temaşevan dane kenîn û hem jî dane fikirîn û piştrast kir ku dê Qirix û Dawiya Dawî di serdema nû de dîsa li pêşberî temaşevanan bin. Ulusoy piştrast kir ku ew dê atoleyeyên hunerê yên nû jî vekin.

	&nbsp;

	ARÎSTOFANES BI KURDÎ YE

	&nbsp;

	Derhêner û lîstikvan Nazim Hîkmet Çalişkan jî destnîşan kir ku wan lîstika Arîstofones a bi navê "Mêşê Kera" wergerî kurdî kiriye, dê dest bi serdema nû bikin û wiha got: "Mijara vê lîstikê bi pêkanînên roja me ve girêdayî ne. Li Tirkiyeyê gelek bêhiqûqî pêk tên û ev lîstik zêdetir vê rewşê vedibêje."

	&nbsp;

	Çalişkan da zanîn ku promiyeriya wê kurdî ye, lê lîstik bi zimanên cuda jî hatiye wergerandin û wiha pê de çû: "Lîstik yek perde ye, 3 ji wan jin, bi giştî 9 kes di lîstikê de cih digirin."

	&nbsp;