
Jinên dengbêj li Îzmîrê derketin ser dikê

2023-11-26 21:18:04


	&nbsp;

	&nbsp;

	ÎZMÎR – Dengbêj Xalîde ya di aktîvîteya ku Jîn Art Hunerê de cih girt, diyar kir ku li dijî tunehesibandina jinan dê dest ji têkoşînê bernedin.&nbsp;

	&nbsp;

	Jîn Art Hunerê bi wesîleya 25’ê Mijdarê Roja Têkoşîna Li Dijî Tundiya Li Ser Jinan a Navneteweyî li Dêra Azîz Vukolos a li semta Basmane ya girêdayî navçeya Konak a Îzmîrê konserek li dar xist. Dengbêj Xalîde, Mewlude, Îpek, Evîn Sindî û Eylul Nazlier derketin ser dikê. Welatiyan eleqeyek mezin nîşanî konserê dan û gelek kesan ji ber cih tunebû konser li ser lingan temaşe kirin.

	&nbsp;

	Peywirdara organîzasyona Jîn Art Hunerê Mehtap Şahîn a ewilî di konserê de axivî, da zanîn ku tevî şertên hewayê salon hatiye tejîkirin û kêfxweşiya xwe anî ziman. Dengbêj Xalîde ya pişt re axivî jî da zanîn ku ew tunehesibandina jinan qebûl nakin û wê hem bi fikr û hem jî bi têkoşînê li dijî vê yekê bin. Xalîdeyê ji bo hemû kesên hatine jî spasiyên xwe kir.

	&nbsp;

	&nbsp;